استانا. 10 قاڭتار. اقش سوڭعى كۇندەرى كورەي تۇبەگىندەگى احۋالدىڭ كۇرت كۇردەلەنە تۇسۋىنە بايلانىستى كورەيا رەسپۋبليكاسىنا ءوزىنىڭ ۆ-52 ستراتەگيالىق بومبارديروۆششيگىن اتتاندىردى. بۇل تۋرالى «رەنحاپ» اگەنتتىگىنە سىلتەمە جاساعان تاسس حابارلادى.
ەكى كورەي مەملەكەتى اراسىنداعى قارىم-قاتىناستىڭ قايتادان قىرعيقاباق قالىپقا كەلۋىنە جاقىندا كحدر-دىڭ سۋتەگى بومباسىن سىناقتان وتكىزۋدى ءساتتى اياقتاعانى جونىندە مالىمدەمە جاساۋى بولدى.
وڭتۇستىك كورەيا اقپارات اگەنتتىنىڭ مالىمەتىنە سايكەس, بومبارديروۆششيك تۇبەككە امەريكانىڭ گۋام ارالىندا ورنالاسقان اۋە-قورعانىس كۇشتەرى بازاسىنان جىبەرىلگەن. سەۋلدىڭ پحەنيان ارەكەتىنە بايلانىستى جاساپ جاتقان قارسى شارالارىنىڭ ءبىرى وسى بولىپ وتىر. مۇنىڭ الدىندا وڭتۇستىك كورەيا كحدر-مەن شەكارادا ناسيحاتتىق حابار جۇرگىزۋىن قايتا باستاعان ەدى.
ەسكە سالا كەتەيىك, كحدر 6 قاڭتار كۇنى سۋتەگى بومباسىن سىناقتان ءساتتى وتكىزگەنىن مالىمدەگەن بولاتىن. وندا ەلدى ۇكىمەتى سىناقتىڭ «ايماقتاعى ەكولوگيالىق احۋالعا اسەر ەتپەگەنى» اتاپ كورسەتىلدى.
تالعات رايىمبەك.
دەرەك, سۋرەت: تاسس.