استانا. 7 قاڭتار. قاراعاندى سوتى جاسى كامەلەتكە تولماعان قىزدى ۇرلادى دەگەن ايىپ تاعىلعان اندرەي بۋرلاكوۆتى اقتاۋ ۇكىمىن شىعاردى. بۇل تۋرالى Newتimes.kz دەرەگىنە سۇيەنگەن egemen.kz ءتىلشىسى حابارلادى.
ءىس ماتەريالدارىندا بۋرلاكوۆتىڭ سپورت كەشەنىنە قاراي بارا جاتقان الەكساندرا وبروسوۆانى سوڭىنان اڭدىپ جۇرگەنى ايتىلادى. ول ورايى كەلگەن كەزدە قىزدى تاكسيگە كۇشتەپ وتىرعىزادى. ولار ماشينادان شىققان بويدا قىز ءدارىحانا عيماراتىنا قاشىپ كىرىپ, جۇرتتان كومەك سۇرايدى. جىگىت ونىڭ سوڭىنان جۇگىرىپ كىرگەنىمەن, ادامدار قىزدى قورعاپ قالادى.
تەرگەۋ بۋرلاكوۆتىڭ بۇعان دەيىن تەمىرتاۋدا وزگە بىرەۋدىڭ كۋالىگىمەن پاتەر جالداپ قويعانىن انىقتادى.
وسى ارەكەتى ءۇشىن بۋرلاكوۆتىڭ 9 جىل كولونيادا وتىرۋ جازاسى كۇتىپ تۇر ەدى. الايدا, سۋديا پروتسەسس بارىسىندا ايىپتالۋشىنى ءسوزىن كوبىرەك نەگىزگە الدى. وسىلايشا جىگىتتىڭ قىز ءوز ەركىمەن ماشيناعا وتىردى دەگەن سوزىنە سۇيەنىپ, ونى اقتاعان ۇكىم شىعاردى.
ەندى وبروسوۆانىڭ اتا-اناسى ۇكىمگە نارازىلىق بەرمەكشى بولىپ وتىر.
«مەنىڭ قىزىمدى قورعاپ قالعان پوليتسيا, پروكۋراتۋرا قىزمەتكەرلەرى جانە بىرقاتار كۋالار بۇدان قىلمىستىڭ ءىزىن كورەدى دە, نەگە سۋديا ونى كورمەيدى؟», دەيدى قىزدىڭ اكەسى سەرگەي وبروسوۆ.
قازىر پروكۋراتۋرا اقتاۋ ۇكىمىنىڭ ادىلەتسىز جانە زاڭسىز ەكەنىن كورسەتىپ, جوعارى ينستانتسياعا نارازىلىق دايىنداپ جاتىر.
تالعات رايىمبەك.
دەرەك, فوتو: Newتimes.kz.