پرەزيدەنت پراۆوسلاۆيە حريستياندارىن روجدەستۆو مەرەكەسىمەن قۇتتىقتادى

استانا. 7 قاڭتار. مەملەكەت باسشىسى نۇرسۇلتان نازارباەۆ روجدەستۆو مەرەكەسىمەن پراۆوسلاۆيە حريستياندارىن قۇتتىقتادى. بۇل تۋرالى akorda.kz حابارلادى .

قىمباتتى وتانداستار!

ەلىمىزدىڭ پراۆوسلاۆيە حريستياندارىن جانە بارشا قازاقستاندىقتاردى روجدەستۆو مەيرامىمەن قۇتتىقتايمىن! بۇل مەرەكە ادامداردىڭ بويىنا سەنىمنىڭ, ءۇمىتتىڭ جانە سۇيىسپەنشىلىكتىڭ ساۋلەسىن دارىتىپ, ءداستۇرلى رۋحاني-ادامگەرشىلىك قۇندىلىقتاردىڭ اينالاسىنا بىرىكتىرۋدە. روجدەستۆو ءدىندارلاردىڭ جۇرەكتەرىن ەرەكشە قۋانىشقا, باقىتقا جانە تازا پەيىلگە كەنەلتەدى. بۇل ءوزارا تۇسىنىستىك پەن مەيىرىمدىلىكتىڭ, جاقىن جاندارعا قامقورلىقتىڭ جانە كومەككە ءزارۋ ادامدارعا شىنايى كوڭىل ءبولۋدىڭ ۋاقىتى. بارلىق كونفەسسيالار وكىلدەرىمەن بىرگە پراۆوسلاۆيە حريستياندارى قازاقستاندىق قوعامداعى كونفەسسياارالىق كەلىسىمدى, تۇراقتىلىق پەن بىرلىكتى نىعايتۋعا ەلەۋلى ۇلەس قوسۋدا. جارقىن روجدەستۆو مەرەكەسىندە شىن جۇرەگىمنەن بارشاڭىزعا زور دەنساۋلىق, باقىت, مولشىلىق جانە يگىلىك تىلەيمىن! تالعات رايىمبەك. دەرەك, سۋرەت: akorda.kz.