مەملەكەت باسشىسى ن.نازارباەۆتىڭ «ۇلت جوسپارى – قازاقستاندىق ارمانعا باستايتىن جول» ساياسي ماقالاسىن ءبىزدى ىزگى مۇراتتارعا باستار باعدارلاما دەپ قاراعان ءجون. ەلباسى جاڭا قازاقستاندىق ارماننىڭ ماقساتىمەن بىرگە ناقتى جۇزەگە اسىرىلۋ جولدارىن ايقىنداپ بەردى. عاسىر سوڭىنا تامان الەمدەگى ەڭ دامىعان 30 ەلدىڭ قاتارىنا ەنۋدى جوسپارلاعان ەلىمىز ءۇشىن ماڭىزدى جولسىلتەگىش, باعدارلامالىق باستاما – بەس ينستيتۋتتىق رەفورمانى, 100 ناقتى قادام – ۇلت جوسپارىن جۇزەگە اسىرۋ ەكەنى بەلگىلى. ال بۇل جوسپار ەلىمىزدەگى بارلىق جاڭعىرتۋلارعا, جاڭارۋلارعا سەرپىن بەمەك.
بۇل تۋرالى ەلباسى «قازاستاندى, ونىڭ ەكونوميكاسىن, مەملەكەت پەن قوعامدى وزگەرتەتىن تاريحي مىندەتتەر كەشەنىن شەشۋگە داڭعىل جول سالادى» دەپ اتاپ كورسەتىپ, اتالعان جوسپاردى جۇزەگە اسىرۋ ارقىلى ءبىزدىڭ ەلىمىزدىڭ «سەرپىندىرەك, لايىقتىراق, سەنىمدىرەك جانە داۋلەتتىرەك» بولاتىندىعىن ايتتى. قازاقستان حالقىنا كەرەگى دە وسى, ياعني ءوز مەملەكەتىنىڭ تاۋەلسىزدىگى, قۋاتتىلىعى مەن تۇراقتىلىعى, قاۋىپسىزدىگى مەن بەرەكەلى, ءداۋلەتتى, ساۋلەتتى تۇرمىسى. ۇلت جوسپارىن لايىقتى جۇزەگە اسىرىپ, دىتتەگەن مەجەگە بىرگە جەتە الساق, ءبىز جانە ءبىزدىڭ ەرتەڭگى ۇرپاعىمىز ءبىز ويلاعان, ءبىز ارمانداعان بولاشاقتىڭ تابالدىرىعىنان اتتايمىز دەپ ءۇمىت ەتەمىز.
ەلباسى قول قويعان 60-قا تارتا زاڭنىڭ ارقايسىسى قازاقستاننىڭ قۇقىقتىق-تارتىپتىك, كاسىبيلىك تۇرعىدا جەتىلۋىن, بۇرىن ولقى كەتكەن تۇستاردى قايتا قاراپ, دۇرىستالۋىن زاڭنامالىق تۇرعىدا جان-جاقتى قامتاماسىز ەتە الاتىن زاڭدار بولماق.
تۇرعىنداردىڭ دەنساۋلىعىن ساقتاۋ سالاسىنداعى باستى مىندەت – مىندەتتى مەديتسينالىق ساقتاندىرۋدى ەنگىزۋ ەكەندىگىن ايتقان ەلباسى مەديتسينالىق قىزمەتتىڭ ساپاسى بويىنشا بىرلەسكەن كوميسسيا قۇرىلاتىنىن ايتا كەلە, دەنساۋلىق ساقتاۋ مەكەمەلەرىندە باسقارۋدىڭ كورپوراتيۆتىك مودەلىن ەنگىزۋ قاراستىرىلعانىن, سونداي-اق مۇقتاج ازاماتتارعا الەۋمەتتىك كومەك كورسەتۋ جۇيەسىن وڭتايلاندىرۋ جوسپارلاۋ قاجەتتىگىن جەتكىزدى. اتالعان كومەك تابىستارى وتباسىنىڭ ءار مۇشەسىنە شاققاندا ەڭ تومەنگى كۇنكورىس دەڭگەيىنەن 50% تومەن وتباسىلارىنا كورسەتىلەدى جانە كومەك كورسەتىلگەن تۇرعىنداردىڭ جۇمىسپەن قامتۋعا ىقپال ەتۋ جانە الەۋمەتتىك بەيىمدەلۋ باعدارلامالارىنا ءمىندەتتى تۇردە قاتىساتىنى تۋرالى الەۋمەتتىك كەلىسىمشارت بەكىتىلمەك.
سونداي-اق, «حالىققا قىزمەت كورسەتۋ ورتالىعى», «جىلجىمايتىن م ۇلىك ورتالىعى», «جەر كاداسترى عىلىمي-وندىرىستىك ورتالىعى», «زەينەتاقىلار تولەۋ جونىندەگى مەملەكەتتىك ورتالىق» رەسپۋبليكالىق مەملەكەتتىك كاسىپورىندارى كورپوراتسياعا بىرىكتىرۋ ارقىلى ازاماتتار مەملەكەتتىك قىزمەت كورسەتۋدىڭ ورتاق پروۆايدەرىنە جۇگىنۋ مۇمكىندىگىن الادى. ال بۇل وزگەرىستەر قاجەتسىز اكىمشىلىك كەدەرگىلەردى جويادى, سۇراۋ سالىناتىن قۇجاتتار ءتىزىمىن قىسقارتادى, ءبىر سوزبەن ايتقاندا, بۇل قىزمەتتەگى جۇمىستاردىڭ مولدىرلىگىن, قولجەتىمدىلىگىن قامتاماسىز ەتەدى.
ماقالانى وقي وتىرىپ, مەملەكەتتىك قىزمەتكەرلەرگە قويىلاتىن تالاپتار مەن جاڭا ەرەجەلەرگە ءتانتى بولدىم. مەملەكەتتىك قىزمەتشىنىڭ باستاپقى باسپالداقتاردان باستاپ مانساپتىق جەتىلۋىن, ەتكەن ەڭبەگىنىڭ ناتيجەسىنە قاراي جالاقى تولەنۋىن, ەتيكالىق نورمالاردان اۋىتقىماۋىن قاداعالاۋ ماسەلەلەرى كوڭىلگە قونىمدى. قازىرگى تاڭدا بەدەلدى قىزمەتكە الدەقالاي كەلىپ قالىپ, ەشتەڭەنىڭ ءمانىسىن بىلمەي وتىراتىن جاس قىزمەتكەرلەر دە جوق ەمەس. ول ءوز جۇمىسىن جۇرگىزە الماي ءبىر سۇرىنسە, مەملەكەتتىك قىزمەتتىڭ اتىنا كىر كەلتىرىپ, ەكى سۇرىنەدى. سوندىقتان, بۇل وتە ورىندى باعىت دەر ەدىم.
قازاقستان حالقىن ەلباسى ۇسىنعان باعدارلامانى قولداپ, جۇزەگە اسىرۋعا اتسالىسۋعا شاقىرامىن, ويتكەنى, بۇل – ءبىزدىڭ بولاشاعىمىز.
اقمارال زەيىلوۆا,
ماڭعىستاۋ وبلىستىق عىلىمي-ادىستەمەلىك جانە مادەني قىزمەت كورسەتۋ ورتالىعىنىڭ ديرەكتورى.
اقتاۋ.