شاپاعاتتى شارا

دۇنيەنى ۇستاپ تۇرعان – مەيىرىم. ادامزات بالاسىنىڭ بويىنداعى وسى ءبىر قاسيەت بار جاقسىلىقتىڭ, ىرىس-بەرەكەنىڭ تۇتقاسى. ەگەر مەيىرىمنەن ايىرىلساق, وندا دالا تاعىسىنان ەش ايىرمامىز قالماس ەدى. جاڭا جىل قارساڭىندا قىزىلوردا وبلىسىندا ادەمى ءبىر شارا ءوتتى. شاپاعاتتى شارا دەر ەدىك ءبىز. ايماقتاعى جۇزگە جۋىق كاسىپكەر «جۇرەك جىلۋىمەن» اتتى قايىرىمدىلىق اكتسياسىنا قاتىستى. بۇل شارانىڭ بيىل ءبىرىنشى رەت وتكىزىلىپ وتىرعانىن ايتا كەتەيىك. وسى ءبىر مەيىرىم-شاپاعاتتىڭ شاراسىندا الەۋمەتتىك جاعىنان از قامتىلعان 1200 وتباسىنا جالپى قۇنى 7 ميلليون تەڭگە تۇراتىن ازىق-ت ۇلىك پەن قاجەتتى كيىم-كەشەك ۇلەستىرىلدى. 22 گازەل اۆتو­كو­لىگىنە تيەلگەن زات جۇرتشىلىققا تاراتىلدى. – بۇگىنگىدەي قايىرىمدىلىق اكتسيا­سىنىڭ وتكىزىلىپ وتىرعانىنا ءبىز وتە قۋانىشتىمىز. اسىرەسە, مەرەكە قار­ساڭىندا كومەك كورسەتىپ جاتقان بارلىق ازاماتتارعا العىسىمىزدى ايتامىز. مەن ءوزىم وتباسىممەن جاتاقحانادا تۇرامىن. مۇمكىندىگى شەكتەۋلى كىشكەنتاي نەمەرەم بار. الەۋمەتتىك كومەكتى قاجەت ەتەتىن مىڭداعان وتباسىنا قولۇشىن سوزۋ شاراسى داستۇرگە اينالاتىنىنا سەنەمىز,– دەيدى اتالعان اكتسياعا قاتىسۋشى جانات ماحامبەتوۆا. بۇگىنگى شاراعا ارنايى بارعان وبلىس اكىمى قىرىمبەك كوشەرباەۆ اكتسيانى وتكىزۋگە اتسالىسىپ, تۇرمىسى تومەن وتباسىلارعا قولداۋ كورسەتكەن بارلىق ازاماتتارعا, ىسكەر ادامدار مەن مەملەكەتتىك, قوعامدىق ۇيىم وكىلدەرىنە العىسىن ءبىلدىردى. – ەلباسى نۇرسۇلتان نازارباەۆ «مەم­لەكەت پەن بيزنەس ەكونوميكالىق قانا ەمەس, الەۋمەتتىك ماسەلەلەردى شەشۋدە دە ارىپتەس بولۋى ءتيىس», دەگەن بولاتىن. الەۋمەتتىك ءادىل­دىك, تەڭدىك, ءوزارا سىيلاستىق پەن قام­قورلىق تۋرالى نيەتتى تەك قانا مەملەكەت ەمەس, ازاماتتىق ور­تانىڭ ءوزىنىڭ كوتەرۋى قوعامىمىزدىڭ كەمەلدەنگەندىگىن كورسەتەدى. سوندىقتان دا بۇل قۇپتارلىق جانە جان-جاقتى قول­داۋعا تۇراتىن باستاما,– دەدى قى­رىمبەك ەلەۋ ۇلى. اكتسياعا اتسالىسقان بەلگىلى كاسىپ­كەرلەر مەن حالىق قالاۋلىلارى, مەم­لەكەتتىك قىزمەتكەرلەردەن شارا اياسىندا ۇيىمداس­تىرىلعان ارنايى كومەك جاشىگىنە 3 ميلليون تەڭگەگە جۋىق قارجى جينالدى. ال شاراعا قاتىسقان مۇمكىندىگى شەك­تەۋلى ازاماتتارعا ارنايى بەكىتىلگەن اۆتوكولىكتەر ازىق-ت ۇلىكتەرىن ۇيىنە دەيىن جەتكىزىپ بەردى. ەرجان بايتىلەس, «ەگەمەن قازاقستان». قىزىلوردا.