قازاقستان رەسپۋبليكاسى سىرتقى ىستەر مينيسترلىگىنىڭ تاياۋ شىعىستاعى احۋالعا بايلانىستى تۇسىندىرمەسى
قازاقستان تاياۋ شىعىستاعى بولىپ جاتقان ۇدەرىستەردى ءجىتى نازاردا ۇستاپ جانە الاڭداۋشىلىقپەن باقىلاۋدا.
الەمدىك قاۋىمداستىقتىڭ جاۋاپتى مۇشەسى رەتىندە قازاقستان وڭىردەگى قاۋىپسىزدىك پەن تۇراقتىلىققا قاتەر تونگەن كەزدە جانە تەرروريزمگە قارسى جاھاندىق كۇرەستى ۇلعايتۋ قاجەتتىگى جاعدايىندا ساۋد ارابياسى كورولدىگى مەن يران يسلام رەسپۋبليكاسىنىڭ اراسىنداعى قارىم-قاتىناستاردىڭ شيەلەنىسە تۇسۋىنە الاڭداۋشىلىق بىلدىرەدى.
ءبىز وسى وڭىردەگى بىزگە دوستىق قاتىناستاعى باۋىرلاس مەملەكەتتەر – ساۋد ارابياسى جانە يراننىڭ باسشىلىعىن, سونداي-اق, باسقا دا مەملەكەتتەردى كونفەسسياارالىق شيەلەنىستىڭ ءارى قاراي ءورشىپ كەتپەۋى ءۇشىن, كەلىسىمدى قامتاماسىز ەتۋ مەن ديپلوماتيالىق قاتىناستاردى قايتا قالپىنا كەلتىرۋ ءۇشىن ساياسي ۇنقاتىسۋ ورناتۋعا جانە ەلدەر اراسىندا كەلىسسوزدەر جۇرگىزۋگە شاقىرامىز. ءبىز بارلىق تارتىلعان تاراپتاردى قاۋىپتى دەڭگەيدەن وتپەۋگە ۇندەيمىز.
شەتەلدىك ديپلوماتيالىق وكىلدىكتەرگە شابۋىل جاساۋعا جول بەرىلمەۋى ءتيىس, ال اككرەديتتەۋ ەلدەرى, ۆەنا كونۆەنتسياسىنا سايكەس, ولاردىڭ قاۋىپسىزدىگىن قامتاماسىز ەتۋگە مىندەتتى.
وسىعان وراي, قازاقستان قالىپتاسقان احۋالدى شەشۋدىڭ ءبىر عانا دۇرىس جولى رەتىندە ساياسي شەشىم مەن ۇنقاتىسۋدى جاقتايدى.