قازاقستان پرەزيدەنتى نۇرسۇلتان نازارباەۆ ەلىمىزدىڭ پراۆوسلاۆيە حريستياندارىن جانە بارشا قازاقستاندىقتاردى روجدەستۆو مەيرامىمەن قۇتتىقتادى, دەپ حابارلادى مەملەكەت باسشىسىنىڭ ءباسپاسوز قىزمەتى.
بۇل مەرەكە ادامداردىڭ بويىنا سەنىمنىڭ, ءۇمىتتىڭ جانە ءسۇيىسپەنشىلىكتىڭ ساۋلەسىن دارىتىپ, ءداستۇرلى رۋحاني-ادامگەرشىلىك قۇندىلىقتاردىڭ اينالاسىنا بىرىكتىرۋدە.
روجدەستۆو ءدىندارلاردىڭ ءجۇرەكتەرىن ەرەكشە قۋانىشقا, باقىتقا جانە تازا پەيىلگە كەنەلتەدى. بۇل ءوزارا تۇسىنىستىك پەن مەيىرىمدىلىكتىڭ, جاقىن جاندارعا قامقورلىقتىڭ جانە كومەككە ءزارۋ ادامدارعا شىنايى كوڭىل ءبولۋدىڭ ۋاقىتى.
بارلىق كونفەسسيالار وكىلدەرىمەن بىرگە پراۆوسلاۆيە حريستياندارى قازاقستاندىق قوعامداعى كونفەسسياارالىق كەلىسىمدى, تۇراقتىلىق پەن بىرلىكتى نىعايتۋعا ەلەۋلى ۇلەس قوسۋدا.
جارقىن روجدەستۆو مەرەكەسىندە شىن جۇرەگىمنەن بارشاڭىزعا زور دەنساۋلىق, باقىت, مولشىلىق جانە يگىلىك تىلەيمىن, دەلىنگەن ەلباسىنىڭ قۇتتىقتاۋىندا.