اقتوبە. 6 قاڭتار. اقتوبە قالاسىندا جاڭا جىل قارساڭىندا بىرنەشە نىسان پايدالانۋعا بەرىلدى. سونىڭ ءبىرى – ساڭكىباي باتىر داڭعىلىندا بوي كوتەرگەن «پروگرەسس» بيزنەس ورتالىعى. بۇل تۋرالى egemen.kz ءتىلشىسى حابارلادى.
زاماناۋي جاڭا بيزنەس ورتالىقتىڭ سالتاناتتى اشىلۋىنا قاتىسقان وبلىس اكىمى بەردىبەك ساپارباەۆ بۇل نىساننىڭ بيزنەس قاۋىمداستىعى ءۇشىن جاڭا جىلدىق تارتۋ بولعانىنا توقتالا كەلىپ, جاڭا جۇمىس ورىندارىنىڭ اشىلۋىنا جەكە قارجىسىن سالعان كاسىپكەرگە ريزاشىلىعىن جەتكىزدى. ءوڭىر باسشىسى بۇگىنگى كۇنى وبلىستا 52 مىڭ شاعىن جانە ورتا كاسىپكەرلىك سۋبەكتىسى جۇمىس ىستەيتىنىن, بيزنەستىڭ دامۋىنا قولداۋ كورسەتۋدىڭ جالعاستىرىلاتىنىن اتاپ ءوتتى.
بەردىبەك ساپارباەۆ ورتالىقتى ارالاپ كورىپ, ەۋروپالىق قايتا قۇرۋ جانە دامۋ بانكىنىڭ, اقپاراتتىق تەحنولوگيالار سالاسىندا قىزمەت كورسەتەتىن «Adal Traffic» كومپانياسىنىڭ جانە جاسوسپىرىمدەردىڭ شىعارماشىلىعىن دامىتۋعا ارنالعان «مەديا پرو» پروديۋسەرلىك ورتالىعىنىڭ كەڭسەلەرىمەن تانىستى. پروديۋسەرلىك ورتالىقتا ءوڭىر باسشىسى اكتەرلىك ونەر بويىنشا ءدارىس الىپ جۇرگەن وقۋشىلاردىڭ وتىنىشىمەن «جۇلدىزدار قابىرعاسىنا» العاش بولىپ ءوز قولتاڭباسىن قالدىردى.
بيزنەس ورتالىعىن سالۋعا «نوريس ي ك» جشس 850 ميلليون تەڭگە مولشەرىندە جەكە ينۆەستيتسياسىن سالعان. سەرىكتەستىك ديرەكتورى ەربول جارجانوۆتىڭ ايتۋىنشا, بۇل بيزنەس ورتالىعى – جوعارى كومفورتتى جاڭا زاماناۋي كەشەن. سەگىز قاباتتى, جالپى اۋدانى 8 200 شارشى مەتر بولاتىن عيماراتتا ءتۇرلى كومپانيالاردىڭ كەڭسەلەرى ورنالاسادى. قۇرىلىس جۇمىستارىنا پايدالانىلعان ماتەريالداردىڭ 80 پايىزى قازاقستاندىق ۇلەس ەكەنىن اتاپ وتكەن ءجون.
قالا بويىنشا «ا» كلاسىنىڭ تالاپتارىنا سايكەس كەلەتىن جالعىز بيزنەس ورتالىعىندا 60 ورىنعا ارنالعان جەراستى اۆتوتۇراعى بار. عيمارات كاسىپكەرلەردىڭ بيزنەستەرىن تابىستى تۇردە جۇرگىزۋى ءۇشىن قاجەت قوندىرعىلارمەن جابدىقتالعان, وپتيكالىق-تالشىقتى تەلەكوممۋنيكاتسيا, بەينەباقىلاۋ جانە ورتتەن قورعاۋ جۇيەلەرى, كۇزەت قىزمەتى, وڭتۇستىك كورەيا ەلىنىڭ Silver كومپانياسى شىعارعان دىبىسسىز ليفت جۇمىس ىستەيدى.
ساتىبالدى ءساۋىرباي.
دەرەك, سۋرەت: egemen.kz.