استانا. 6 قاڭتار. ۇشقىش-عارىشكەر ايدىن ايىمبەتوۆ «قازاقستان عارىش ساپارى» ۇلتتىق كومپانياسى» اكتسيونەرلىك قوعامىنىڭ ۆيتسە-پرەزيدەنتى بولىپ تاعايىندالدى. بۇل تۋرالى اتالعان كومپانيانىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
ايدىن ايىمبەتوۆتى «قازاقستان عارىش ساپارى» ۇك» اق عارىش جۇيەلەرىن جاساۋ جانە قولدانىسقا بەرۋ جونىندەگى ۆيتسە-پرەزيدەنتى ەتىپ تاعايىنداۋ تۋرالى بۇيرىققا 2016 جىلدىڭ 5 قاڭتارى كۇنى قول قويىلدى. كومپانيا پرەزيدەنتىنىڭ مىندەتىن اتقارۋشى مارات نۇرعوجين جاڭا ۆيتسە-پرەزيدەنتتى ۇجىممەن تانىستىرىپ, الداعى جۇمىسىنا ساتتىلىك تىلەدى.
حالىق قاھارمانى ايدىن ايىمبەتوۆ بارلىق بولىمشەنىڭ قىزمەتىمەن تانىسىپ, العاشقى جۇمىس جينالىسىن وتكىزدى. سونداي-اق, ول وزىنە ارتىلعان جاۋاپكەرشىلىكتى سەزىنەتىنىن جانە جۇكتەلگەن مىندەتتەردى ورىندايتىنىن ايتتى.
ايدىن ايىمبەتوۆ – قازاقستان شىققان ءۇشىنشى عارىشكەر. ول 2015 جىلدىڭ 2 قىركۇيەگىندە عارىشقا ۇشىپ, 12 قىركۇيەكتە جەرگە ورالدى.
ەلامان قوڭىر.
دەرەك: «قازاقستان عارىش ساپارى» ۇك» اق ءباسپاسوز قىزمەتى.
سۋرەت: gharysh.kz.