استانا. 5 قاڭتار. گۆاتەمالانىڭ ەسكۋينتلا شتاتىنا قاراستى تىنىق مۇحيتى جاعالاۋىندا سالماعى 500 كيلودان اساتىن ءىرى كولەمدى ەسىرتكى تيەگەن كاتەر ۇستالدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
ءتارتىپ ساقشىلارى بورت ىشىندە ارقايسىسى 20 كيلودان بولاتىن 27 قاپتىڭ بارىن انىقتادى. تەرگەۋ بارىسىندا قىلمىستىق ارەكەتتەرى ءۇشىن پوليتسيا قىزمەتكەرلەرى 4 ادامدى تۇتقىنعا الدى. ولاردىڭ ءبارى ەكۆادور ەلىنىڭ ازاماتتارى بولىپ شىقتى. قاماۋعا الىنعان شەتەلدىكتەر مەن تاركىلەنگەن ەسىرتكى ونىمدەرى جەرگىلىكتى پروكۋراتۋراعا تاپسىرىلدى. اتالعان ورگان زاڭسىز ارەكەتتى تولىعىمەن تەكسەرىپ, ناقتى شەشىم قابىلدايدى.
ايتا كەتەيىك, 2015 جىلى جەلتوقسان ايىنىڭ سوڭىنا تامان اتالعان شتاتتا 650 كيلودان استام كوكاين تاسىمالداعان قىلمىسكەرلەر تۇتقىندالعان بولاتىن. وتكەن جىلدىڭ قورىتىندىسى بويىنشا, تەرگەۋ جۇمىستارى كەزىندە پوليتسيا قىزمەتكەرلەرى 6 توننادان استام ەسىرتكى ونىمدەرىن تاركىلەگەن.
ايان ءابدۋالي.
دەرەك: تاسس.
سۋرەت: avito.ru.