استانا. 5 قاڭتار. ەلدىڭ سولتۇستىك-باتىسىنداعى نينسيا ايماعىندا جولاۋشىلار اۆتوبۋسى كەنەتتەن ورتكە وراندى. سالدارىنان 14 جولاۋشى ورتەنىپ, تاعى 31 ادام جارالاندى. بۇل تۋرالى 24.kz حابارلادى.
پوليتسەيلەردىڭ مالىمدەۋىنشە جولاۋشىلار تاسىمالىمەن اينالىساتىن اۆتوبۋستا 50-گە جۋىق ادام بولعان. ءورت سوندىرۋشىلەر وتتى وشىرگەنىمەن 31 ادام ءتۇرلى دەڭگەيدەگى جاراقات العان. قازىرگى تاڭدا دەنەسىن كۇيىك شالعاندار جەرگىلىكتى اۋرۋحاناعا جاتقىزىلدى.
ايتا كەتەيىك, ينچۋان قالاسىندا كەتىپ بارا جاتقان كولىكتەن ءتىلسىز جاۋدىڭ شىعۋىنا نە سەبەپ بولعانى ازىرگە بەلگىسىز. وقيعا ورنىندا شۇعىل تەرگەۋ امالدارى باستالدى.
تالعات رايىمبەك.
دەرەك, سۋرەت: 24.kz.