قاراعاندى. 5 قاڭتار. قاراعاندى وبلىسىندا قار قۇرساۋىندا قالعان جۇكتى ايەل قۇتقارىلعاننان كەيىن امان-ەسەن بوساندى. بۇل تۋرالى وبلىستىق دەنساۋلىق ساقتاۋ دەپارتامەنتى ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
استانا قالاسىنان شىعىپ, ەلىمىزدىڭ وڭتۇستىك وڭىرىنە بەت العان شولپان سارسەنباەۆا ورتا جولدا قار قۇرساۋىندا قالىپ قويادى. قۇتقارۋشىلار ايى-كۇنى جەتىپ وتىرعان ايەلدى دەرەۋ وبلىستىق پەريناتالدىق ورتالىققا جەتكىزگەن. جەدەل كورسەتىلگەن كومەكتىڭ ارقاسىندا ول امان-ەسەن بوسانىپ, دۇنيەگە نۇرگۇل ەسىمدى قىز بالانى اكەلدى.
قايرات ءابىلدينوۆ.
دەرەك, سۋرەت: egemen.kz.