استانا. 4 قاڭتار.كاسپي تەڭىزىنىڭ داعىستان جاعالاۋىندا قايىقتارى سۋعا باتىپ كەتكەن بالىقشىلار قۇتقارىلدى. بۇل تۋرالى وسى ەلدىڭ توتەنشە جاعدايلار مينيسترلىگىنە سىلتەمە جاساعان 24.kz حابارلادى.
حابارلامادا, بۇگىن تاڭەرتەڭ 8 بالىقشى مىنگەن قوس قايىق كراينوۆكا ەلدى مەكەنىنەن 6 شاقىرىم جەردە اپاتقا ۇشىراعانى ايتىلعان.
ىزدەستىرۋ وپەراتسياسىنا 2 تىكۇشاق, 6 تەحنيكا مەن 31 ادام جۇمىلدىرىلدى. دارىگەرلەردىڭ ايتۋىنشا, قۇتقارىلعان بالىقشىلاردىڭ ومىرىنە ەشقانداي قاۋىپ ءتونىپ تۇرعان جوق. قازىرگى تاڭدا بارلىق زارداپ شەگۋشىلەر دارىگەرلەردىڭ ءجىتى باقىلاۋىندا.
تالعات رايىمبەك.
دەرەك, سۋرەت: 24.kz.