استانا. 3 قاڭتار. برازيليانىڭ سولتۇستىك-شىعىسىندا ورنالاسقان سەارا شتاتىندا ءىرى جول اپاتى بولدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
سەنبى كۇنى بولعان اپات سالدارىنان 7 ادام وقيعا ورنىندا قازا تاۋىپ, 11 جولاۋشى ءتۇرلى جاراقات الدى.
پوليتسيا قىزمەتكەرلەرىنىڭ ايتۋىنشا, جول-كولىك وقيعاسىندا باستى كىنا – جەڭىل ءاۆتوموبيلدىڭ جۇرگىزۋشىسىنىڭ جول ەرەجەسىن ساقتاماۋىنان بولعان. ول بەلگىلەنبەگەن جەردەن قارسى بەتكە شىعىپ, الدىنداعى كولىكتەردى باسىپ وزباق كەزىندە جولدىڭ كەلەسى بەتىندەگى ميكرواۆتوبۋستاردىڭ بىرىنە كەلىپ سوقتىعىسقان.
جەڭىل ماشينا ىشىندەگى بەس ادامنىڭ ءبارى وقيعا ورنىندا كوز جۇمدى. ال ميكرواۆتوبۋستىڭ ىشىندە جۇرگىزۋشىنىڭ قىزى مەن اناسى قازا تاپتى.
ايتا كەتەيىك, نارەستە قىز اۋرۋحاناعا جەتكىزىلگەننەن كەيىن بىردەن كوز جۇمعان. قازىرگى ساتتە جاراقات العان 11 جولاۋشىنىڭ تورتەۋى جان ساقتاۋ بولىمىندە جاتىر.
ايان ءابدۋالي.
دەرەك: تاسس.
سۋرەت: ren.tv.