استانا. 3 قاڭتار. ەل-سالۆادور رەسپۋبليكاسىنىڭ سان-ميگەل قالاسىندا جاڭا جىل مەرەكەسى كەزىندە بەلگىسىز بىرەۋلەر 5 ادامدى ءولتىرىپ كەتتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
ەكى تۇرعىن ۇيگە باسا-كوكتەپ كىرگەن قارۋلانعان توپ وتباسى مۇشەلەرىنە بىردەن وق جاۋدىرعان. قازا تاپقانداردىڭ اراسىندا 11 جاستاعى بالا دا بار. جەرگىلىكتى پوليتسيا قىزمەتكەرلەرىنىڭ ايتۋىنشا, وقيعا بولعان اۋدان «مارا سالۆاترۋچا» دەگەن اتقا يە قاراقشى توپتىڭ باقىلاۋىندا. وسى سەبەپكە بايلانىستى ءۇي يەسى مەن باندالاردىڭ اراسىندا كەلىسپەۋشىلىك بولعان دەگەن بولجام جاسالدى.
دۇيسەنبى كۇنى تاعى ءبىر قىلمىسكەر توپتىڭ مۇشەسى ەل استاناسى سان-سالۆادور قالاسىنان 23 شاقىرىم قاشىقتىقتا ورنالاسقان ولوكۋيلتا مۋنيتسيپاليتەتىندە جەرگىلىكتى پاترۋل قىزمەتكەرلەرىنە شابۋىل جاسادى. اتىس كەزىندە ءتارتىپ ساقشىلارى قارسى توپتىڭ بەس ادامىنىڭ كوزىن جويدى.
ايتا كەتەيىك, ەل-سالۆادور رەسپۋبليكاسى سوڭعى جىلى الەمدەگى زورلىق-زومبىلىق ءجيى بولىپ تۇراتىن مەملەكەتتەردىڭ بىرىنە اينالدى. وتكەن جىلى قاڭتار ايىنىڭ باسىنان قاراشا ايىنىڭ سوڭىنا دەيىن 6044 ادام قىلمىسكەرلەردىڭ قۇربانى بولعان. بۇل دەگەنىمىز 2014 جىلمەن سالىستىرعاندا 72,5 پايىزعا كوپ.
ايان ءابدۋالي.
دەرەك: تاسس.
سۋرەت: ren.tv.