استانا. 1 قاڭتار. جاڭا جىلعا بىرنەشە ساعات قالعاندا بىرىككەن اراب امىرلىگىنىڭ دۋباي قالاسىنداعى Address Downtown اتتى كوك تىرەگەن ءزاۋلىم عيماراتتا ءورت شىقتى. نىساندا قالاداعى بەلگىلى قوناق ۇيلەردىڭ ءبىرى The Adress Hotel ورنالاسقان. بۇل تۋرالى ريا «نوۆوستي» اقپارات پورتالىنا سىلتەمە جاساعان egemen.kz ءتىلشىسى حابارلادى.
توتەنشە جاعداي عيماراتتىڭ 20-قاباتىندا بولعان. از ۋاقىتتىڭ ىشىندە قىزىل جالىن ايتارلىقتاي اۋماقتى قامتىپ ۇلگەردى. ابىروي بولعاندا, دەر كەزىندە جەتكەن ارنايى ماماندار ءورت شالعان اۋماقتىڭ 90 پايىزىن زارارسىزداندىردى.
دۋباي قالاسى بيلىگىنىڭ مالىمدەۋىنشە ادام شىعىنى جوق. تەك ءتىلسىز جاۋ سالدارىنان 14 ادام جەڭىل جاراقات العان. سونداي-اق, شاھار باسشىلىعى وسى جاعدايعا بايلانىستى دايىندالعان قالاداعى مەرەكەلىك باعدارلامالاردىڭ وزگەرمەيتىنىن ايتتى.
ايتا كەتەيىك, Address Downtown عيماراتى الەمدەگى ەڭ بيىك نىسان – Burj Khalifa كەشەنىنە جاقىن ورنالاسقان. ءورت كەزىندە عيماراتتاعىلاردىڭ باسىم كوپشىلىگى شەتەلدىك تۋريستەر بولعانىن دا ەرەكشە اتاپ وتكەن ءجون.
قازىرگى تاڭدا اپاتتىڭ شىعۋ سەبەپتەرى انىقتالۋدا.
ەلامان قوڭىر.
دەرەك: ريا «نوۆوستي».
سۋرەت: 1news.az.