اليانس بانكىنىڭ “HandyPay” قىزمەتى — ەلىمىزدەگى العاشقى قۇندى جوبا

قانداي دا ءبىر سالادا بولسىن, تۇتىنۋشى­لارعا كورسەتى­­لەتىن قىزمەتتىڭ ساپاسى جوعارى بولۋى­­مەن قاتار, ونىڭ قولايلى, سونداي-اق ءتيىمدىلى­گىمەن ەرەكشەلەنۋى – بۇگىنگى تاڭداعى ەڭ باستى تالاپتاردىڭ ءبىرى ەكەندىگى ءسوزسىز. بۇل ورايدا “اليانس بانكى” اق بىرقاتار ىرگەلى ءىس-شارالاردى جۇزەگە اسىرىپ, جاڭا جوبالارىمەن ەرەكشەلەنۋدە. جاقىندا اليانس بانكى قازاقستان نارىعىندا بۇرىن-سوڭدى بولماعان جاڭا ءونىم – “HandyPay” قىزمەتىن ءوز تۇتىنۋ­شىلارىنا ۇسىندى. سونى­مەن, ۇيالى تەلەفون ار­قى­لى ەسەپ-شوتتاعى قارا­جات­تان تولەم جاساۋعا ءمۇم­كىن­دىك بەرەتىن “Handy­Pay” قىزمەتى ەلىمىزدە بيىلعى جىل­دىڭ قىركۇيەك ايىنىڭ بىرىنەن باستاپ ىسكە قوسىلدى. بانك سالا­سىنداعى ەڭ العاشقى يننوۆاتسيالىقتىڭ شەشىم­نىڭ قاراپايىم تۇتىنۋشى ءۇشىن قاجەت­تىلىگى جانە قىز­مەت­تىڭ وزىندىك ەرەكشەلىك­تەرى مەن ارتىقشىلىقتارى قانداي؟ وسى جانە وزگە دە ماسەلەلەر توڭىرەگىندە “اليانس بانكى” اق باسقارما توراعاسىنىڭ ورىنباسارى اسقار ءدارۋش ۇلى بيشىعاەۆ ايتىپ بەرەدى: – اسقار ءدارۋش ۇلى, وزىڭىزگە بەلگىلى, جوعارى تەحنولوگيا قارىشتاپ دامىعان قازىرگىدەي زاماندا سول سا­لاداعى سوڭعى جەتىستىكتەردى پايدالانا وتىرىپ, ۋاقىتتى بارىنشا ۇنەمدەۋ – قازىردە ءاربىر ادامنىڭ ەڭ باستى قا­جەت­تىلىكتەرىنىڭ بىرىنە اينا­لىپ وتىر­عاندىعى جاسىرىن ەمەس. اليانس بان­كىنىڭ جاڭا ءونىمى – “HandyPay” قىزمەتىنىڭ نەگىزگى ءارى وزەكتى ماقساتى جانە ونىڭ قىزمەت اۋقىمى تۋرالى بايانداپ بەرسەڭىز؟ – ەلىمىزدەگى جەتەكشى بانكتەردىڭ ءبىرى اليانس بانكىنىڭ جاڭا ءونىمى كوپشىلىك كوڭىلىنەن شىعادى دەگەن سە­نىم­دەمىز. ويتكەنى, ونىڭ وزىندىك سە­بەپتەرى دە جەتكىلىكتى. ەڭ باستىسى, ۇيا­لى تەلەفون ارقىلى تۇتىنۋشىنىڭ ءوز ەسەپ-شوتىنداعى اقشاسىنان ءتو­لەم جاساۋعا مۇمكىندىك بەرەتىن Han­dy­Pay قىزمەتى قولايلىلىعىمەن ەرەك­­شە­لەنۋدە. ءسوز رەتى كەلگەندە اتاپ اي­تار­لىعى, ونىڭ تاعى ءبىر ارتىق­شى­لىعى, تۇتىنۋشىنىڭ ءوز ۋاقىتىن ءۇن­ەم­دەۋگە, تولەمدەر مەن وزگە دە وپە­راتسيالاردى مەرزىمىنەن كەشىكتىرمەي شۇعىل تۇردە اتقارۋعا دا كومەكتەسەدى. نەمىس تىلىنەن اۋدارعان­دا “Hand” ءسوزى – “قول”, ال “pay” ءسوزى اعىلشىن ءتىلى­نەن اۋدارعاندا – “تولەم” دەگەن ۇع­ىمدى بىلدىرەدى. ءسوي­تىپ, بانك كليەنت­­تەرىنىڭ Handy­Pay قىزمەتى ارقىلى قول­ما-قول ءتو­لەم جاساۋىنا ابدەن بولادى. انىعىراق ايتقاندا, كەز كەلگەن تۇتىنۋشى ءموبيلدى تولەم قىزمە­تىنىڭ كومەگىمەن ءوز ەسەپ-شوتتارىنان وزىنە قاجەتتى جەرلەرگە ءتيىستى تولەم جا­ساي الادى. بۇل ورايدا, ەسكەرتە كەتەتىن تاعى ءبىر ءجايت, بۇل قىزمەت كۇندەلىكتى تۇرمىستاعى ۇساق-تۇيەك تولەمدەر ءۇشىن وتە ىڭعايلى. جاسى­راتىنى جوق, جۇمىسباستىلىقپەن, ياعني ۋاقىت تاپشىلىعىنان, نە بولماسا ۇمىتشاقتىقتان كەيبىر تولەمدەردى ۋاقىتىندا تولەي الماي قالاتىن كەزدەر از بولمايتىنى جا­سىرىن ەمەس. قاراپايىم عانا مىسال كەلتىرەيىن. ماسەلەن, ءوزىڭىزدىڭ نە­مەسە بالاڭىزدىڭ نەمەسە جاقىن تۋى­سىڭىزدىڭ, دوسىڭىزدىڭ تەلەفو­نىنداعى بالانسى تاۋسىلىپ قالعان كەزدە, بۇل تۇيىقتان, وپ-وڭاي شىعۋعا ابدەن بولادى. بانكتەگى ءوز ەسەپ-شو­تىڭىزدان شۇعىل تۇردە بىرلىك رەتىندە اقشا اۋدارۋ مۇمكىندىگى دە مول. ەلىمىزدەگى قارجى ينستيتۋتتارى اراسىندا تۇڭعىش رەت قۇندى جوبانى جۇزەگە اسىرعان اليانس بانكى يننو­ۆاتسيالىق شەشىمدەر باعىتىنداعى ىزدەنىستەردى دە ودان ءارى ارتتىرا بەر­مەك. كوپشىلىككە بەلگىلى, مەملەكەت باسشىسى نۇرسۇلتان نازارباەۆتىڭ تاپسىرماسىمەن ەلىمىزدە جەدەل ين­دۋستريالدىق-يننوۆاتسيالىق دامۋ­دىڭ مەملەكەتتىك باعدارلاماسى ءازىر­لەنگەن بولاتىن. ال, يننوۆاتسيالار عانا ەڭبەك ونىمدىلىگىنىڭ شۇعىل ارتۋىنا قول جەتكىزبەك. – سوندا بۇل كومەكتەر قانداي جولمەن اتقارىلادى جانە ۇيالى تەلەفون ارقىلى تولەنەتىن تولەمدەر ءتۇرى انىقتالعان با؟ – ەڭ الدىمەن تولەم قىزمەتىنە ۇيالى تەلەفوننىڭ كەز كەلگەن وتە قاراپايىم ماركاسىن پايدالانۋعا بولاتىندىعىن ەسكەرتكىم كەلەدى. تولەمدەر – SMS حابارلامالاردىڭ تىكەلەي كومەگىمەن اتقارىلادى. ونى تاڭداۋدىڭ باستى سەبەبى – بۇل قالىڭ كوپشىلىك كەڭىنەن پايدالاناتىن جانە وتە قولايلى ءادىس ەكەندىگىنە ءسوز جوق, ويتكەنى بۇل جۇيە قولدانۋ­شىدان ارناۋلى ءبىلىمدى نەمەسە ۇيالى تەلەفونعا ارناۋلى قوسىمشا قويۋدى تالاپ ەتپەيدى. HandyPay جۇيەسى قامتيتىن تولەمدەرگە كەلسەك, وعان قىزمەت كورسەتەتىن كومپانيالاردىڭ سانى قازىردىڭ وزىندە وتىزدان اسىپ كەتىپ وتىرعاندىعى كوپ نارسەدەن حابار بەرسە كەرەك. جانە بۇل ءتىزىم ۇلعايا بەرمەك. ولاردىڭ اراسىندا Kcell, ءActىv, Beel­ىne, Neo, Dalacom, ءCىty جانە باسقا ۇيالى بايلانىس قىزمەتتەرى جانە ء“ىCON” “سەكاتەل”, “الما-تۆ”, “Jet” سياقتى كابەلدى تەلەۆي­زيا مەن ينتەرنەت بايلانىسىن ۇسى­ناتىن كومپانيالار بار. سونىمەن قاتار, كوممۋنالدىق تولەمدەر بوي­ىنشا “كوممۋنالدىق تولەمدەر ورتالىعى”, “شىعىسەنەرگوترەيدتىڭ” اقىسىن دا وتەۋگە بولادى. مۇنىمەن قوسا الماتى تەحنولوگيالىق ۋنيۆەر­سي­تەتى, حالىق­ارالىق بيزنەس اكادە­ميا­سى سياقتى جوعارى وقۋ ورىن­دا­رى­نا دا تولەم جۇيەسى اشىق. اتاپ اي­­تارلىعى, تولەم اۋماعى مۇنىمەن عانا شەكتەلمەيدى. ماسەلەن, وعان جىل­جىمايتىن م ۇلىك سالىعى جانە جەر سالىعى, اۆتوكولىك سالىعى دا ەنەدى. HandyPay قىزمەتىن پايدالان­عىسى كەلگەن تۇتىنۋشىلار اليانس بانكىندە ەسەپ-شوت اشىپ قويۋمەن عانا شەكتەلمەۋى ءتيىس. ول سونىمەن قاتار, مىندەتتى تۇردە HandyPay ءجۇ­يەسىنە تىركەلۋى كەرەك. ءبىر قۇپ­تار­لىعى, بۇل جاڭا سەرۆيس قازاق­ستان­نىڭ بارلىق ۇيالى بايلانىس وپەرا­تور­لارىنىڭ تۇتىنۋشىلارىنا قول­جەتىمدى قىزمەت جۇيەسى. كليەنتتەر وپە­راتسيانىڭ ءتۇرى, سوماسى كور­سە­تىل­گەن تولەم ءتۇرىن SMS حابارلا­ما­سى­مەن 2588 نومىرىنە جىبەرەدى. سودان سوڭ تولەمنىڭ تۇسكەنىن ناقتىلايتىن جاۋاپتى كۇتۋى قاجەت ەكەندىگى ايتپاسا دا تۇسىنىكتى. HandyPay قىزمەتىنە قاتىستى تولىق اقپاراتتى www.alb.kz نەمەسە www.handypay.kz سايتىنان الىپ, ونىمەن جان-جاقتى تانىسۋعا بولادى. HandyPay تولەم جۇيەسىنىڭ ونى پايدالانۋشىلاردىڭ جەكە مالىمەت­تەرىن قورعاۋ دەڭگەيى جوعارى ەكەن­دى­گىن دە اتاپ ايتقان ءجون. SMS ارقىلى جىبەرىلەتىن حابارلامالاردا كليەنت­تىڭ تولەم كارتاسى, ەسەپ-شوتىنىڭ ءنو­مىرى, ياعني جەكە مالىمەتتەرى تۋ­را­لى ەش­قانداي دەرەك كورسەتىلمەيدى. سون­داي-اق, ءاربىر تولەم ارنايى ءجى­بە­­رىلەتىن سەانستىق كودپەن راستال­عانى شارت. – اسقار ءدارۋش ۇلى, ءاربىر تۇتىنۋشى تولەم ءۇشىن قانشا اقشا جۇمساي الادى نەمەسە وعان بەلگىلى ءبىر شەكتەۋ قويىلعان با؟ – جوعارىدا اتاپ ايتىلعانداي, HandyPay قىزمەتى شاعىن تولەم­دەرگە ارنالعاندىقتان ونىڭ تاۋلىك­تىك شەكتەۋى دە بار. مۇنىڭ ءوزى قاۋىپ­سىزدىك ماقساتىندا جاسالعان شارا دەپ ءتۇسىنۋ قاجەت. ءبىر تاۋلىك ىشىندە قىز­مەتتى پايدالانۋشى 30 مىڭ تەڭگەدەن ارتىق اقشا جۇمساي المايدى. دە­گەن­مەن, قاجەت بولعان جاعدايدا ونىڭ كو­لەمىن 50 مىڭ تەڭگەگە دەيىن ارتتى­رىپ الۋىنا ابدەن بولادى. تاعى ءبىر ايتا كەتەرلىك ءجايت, HandyPay قىز­مەتى سونشاما قىمبات ەمەس. قىز­مەت كورسەتۋ مەن قىزمەتكە قوسىلۋ تەگىن جۇرگىزىلەدى. كليەنت تەك قانا ءتو­لەمدەر مەن اۋدارىمدار ءۇشىن اقى­نى بانك تاريفتەرىنە سايكەس تولەيدى. ەلىمىزدە العاش رەت ەنگىزىلىپ وت­ىر­عان جاڭا جوبا – HandyPay قىز­مەتى قازاقستان اۋماعىندا عانا جۇ­مىس ىستەيدى. سول سەبەپتەن دە بارلىق وپەراتسيالار ۇلتتىق ۆاليۋتا – تەڭگەمەن عانا جۇرگىزىلەدى. جاڭا ونىمگە SMS قىزمەتى بار كەز كەلگەن ۇيالى تەلەفوندى پايدالانۋعا مۇمكىندىك مول. بۇل ورايدا تاعى ءبىر ماسەلە, كەز­دەيسوقتىق جاعدايلاردى دەر كەزىندە الدىن الۋ قاجەتتىگى اركىمگە جاقسى بەلگىلى. ماسەلەن, ويدا-جوقتا ۇيالى تەلەفونىڭىزدى جوعالتىپ نەمەسە ۇرلاتىپ الساڭىز, بىردەن ۇيالى بايلانىس وپەراتورىنا حابارلاسۋ قا­جەت. بۇل جاعدايدا اتالعان ءنومىردىڭ ءSىM-كارتاسىن شۇعىل ءوشىرۋدى, سون­داي-اق اليانس بانكىنىڭ كليەنتتەردى قولداۋ قىزمەتىنە حابارلاسىپ, ءوز ەسەپ-شوتىڭىزدان ۇيالى تەلەفون ارقىلى ءتيىستى وپەراتسيالار جاساۋدى توقتاتۋدىڭ كەرەكتىگىن ەسكەرتكەن ءجون. مۇنداي ءىس-شارالاردان كەيىن جو­عالعان نەمەسە ۇرلانعان ۇيالى تەلەفون ارقىلى HandyPay جۇيەسىمەن ءتو­لەمدەر جاساۋ تەك ءسىزدىڭ وتىنىشىڭىزدەن كەيىن قايتا ىسكە قوسىلۋى مۇمكىن. ءسويتىپ, اليانس بانكى ءوز كليەنتتە­رىنىڭ تولەمدەر مەن ەسەپ-شوتتار ار­قى­لى جۇمىسىنا ارنالعان جاڭا ءارى ۇت­ىمدى جاعدايلاردى جاساپ, ۇسىنۋدا. – اڭگىمەڭىزگە راحمەت. باقىت بالعارينا, الماتى.