كەشە پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن پالاتا بيۋروسىنىڭ وتىرىسى ءوتتى. وندا ءماجىلىستىڭ سالالىق كوميتەتتەرىنىڭ ۇسىنۋىمەن الداعى اپتادا وتەتىن جالپى وتىرىستىڭ كۇن تارتىبىنە ۇسىنىلاتىن ماسەلەلەر قارالدى.
دەپۋتاتتاردىڭ تالقىسىنا ءبىرقاتار حالىقارالىق قۇجاتتاردى بەكىتۋدى كوزدەيتىن زاڭ جوبالارى ۇسىنىلاتىن بولدى. اتاپ ايتقاندا, “قازاقستان رەسپۋبليكاسى مەن كورەيا رەسپۋبليكاسى اراسىنداعى ۇستاپ بەرۋ تۋرالى شارتتى راتيفيكاتسيالاۋ تۋرالى”, “قازاقستان رەسپۋبليكاسى مەن كورەيا رەسپۋبليكاسى اراسىنداعى قىلمىستىق ىستەر بويىنشا ءوزارا قۇقىقتىق كومەك تۋرالى شارتتى راتيفيكاتسيالاۋ تۋرالى”, “ۋاقىتشا اكەلۋ تۋرالى كونۆەنتسيانى راتيفيكاتسيالاۋ تۋرالى” جانە “قازاقستان رەسپۋبليكاسى مەن ەۋروپا ينۆەستيتسيالىق بانكى اراسىنداعى ەۋروپا ينۆەستيتسيالىق بانكىنىڭ قازاقستان رەسپۋبليكاسىنداعى قىزمەتىن رەتتەيتىن نەگىزدەمەلىك كەلىسىمدى راتيفيكاتسيالاۋ تۋرالى” زاڭ جوبالارى پالاتانىڭ جالپى وتىرىسىنىڭ كۇن تارتىبىنە ۇسىنىلدى.
سونىمەن بىرگە, ءماجىلىستىڭ جالپى وتىرىسىندا ۇكىمەتتەن كەلىپ تۇسكەن جاڭا زاڭ جوبالارىنا قورىتىندى ازىرلەۋ ۋاقىتتارى انىقتالاتىن بولادى.
“ەگەمەن-اقپارات”.