پارلامەنت سەناتىنىڭ توراعاسى قاسىم-جومارت توقاەۆ جاپونيانىڭ قازاقستانداعى توتەنشە جانە وكىلەتتى ەلشىسى سيگەو ءناتسۋيدى ەلىمىزدەگى ديپلوماتيالىق ميسسياسىنىڭ اياقتالۋىنا بايلانىستى قابىلدادى, دەپ حابارلادى سەناتتىڭ ءباسپاسوز قىزمەتى.
توراعا ەكى مەملەكەت اراسىنداعى ءوزارا ءتيىمدى ىنتىماقتاستىقتى ودان ءارى نىعايتۋداعى تابىستى ەڭبەگىنە بايلانىستى س.ناتسۋيگە ريزاشىلىق ءبىلدىرىپ, بۇدان بىلايعى قىزمەتىندە تابىستى بولۋعا تىلەكتەستىگىن ءبىلدىردى.
قازاقستان-جاپونيا قاتىناستارىنىڭ قازىرگى بەلسەندىلىگىن اتاپ وتە كەلىپ, ق.توقاەۆ پارلامەنتارالىق ىنتىماقتاستىقتى ورىستەتۋدىڭ ماڭىزدىلىعىنا توقتالدى.
سەناتتا جاپونيا پارلامەنتىمەن ىنتىماقتاستىق جونىندەگى توپ جۇمىس ىستەيدى, ەكى ەلدىڭ جوعارى وكىلەتتى ورگاندارى اراسىنداعى بايلانىستار قازاقستانمەن پارلامەنتتىك دوستىق ليگاسى بويىنشا تابىستى جۇزەگە اسىپ كەلەدى.
“قازاقستان ءۇشىن جاپونيا ساياسي جانە ەكونوميكالىق سالاداعى ءوزارا قارىم-قاتىناستار كولەمى جىل سايىن ارتىپ كەلە جاتقان ەل بولىپ تابىلادى. ساياسي ورتالار عانا ەمەس, قازاقستاننىڭ قالىڭ جۇرتشىلىعىنىڭ دا دوس ەلگە دەگەن ىقىلاسى ارتىپ كەلەدى”, – دەدى توراعا.
ق.توقاەۆ 29 تامىزدى بەيبىتشىلىك جولىندا يادرولىق قارۋدان ارىلۋدىڭ دۇنيەجۇزىلىك كۇنى رەتىندە جاريالاۋ تۋرالى پرەزيدەنت ن.نازارباەۆتىڭ باستاماسىن قولداعانى ءۇشىن جاپونيا باسشىلىعىنا ريزاشىلىق ءبىلدىردى.
س.ناتسۋي ءوز كەزەگىندە جاپونيا يادرولىق قارۋسىزدانۋ جانە قاۋىپسىزدىكتى نىعايتۋ جونىندەگى قازاقستاننىڭ ساياساتىن جوعارى باعالايتىنىن اتاپ ءوتتى. ەلشى س.ناتسۋي قازاقستان حالقىنا يگىلىك جانە وركەندەۋىنە تىلەكتەستىگىن ءبىلدىردى, وسىندا بولا ءجۇرىپ, ءوزىنە جاڭا الەم جانە كەلەشەكتىڭ ەلىن اشقانىن ايتتى.