جاقىندا اقتوبە قالاسىنداعى ء“داستۇر” ۇيىندە “ديالوگ ەۋرازيا” پلاتفورماسى ورازا ۇستاپ جۇرگەندەر مەن وبلىستاعى بەلگىلى اقساقالدارعا, زيالى قاۋىم جانە ەتنو-مادەني بىرلەستىكتەردىڭ وكىلدەرىنە اۋىزاشار بەردى. قازاقستان مۇسىلماندارى ءدىني باسقارماسىنىڭ اقتوبە وبلىسى بويىنشا وكىل يمامى, “نۇر عاسىر” مەشىتىنىڭ باس يمامى باۋىرجان ەسماحان قۇران وقىپ, اۋىزشار باستالعاننان كەيىن سەنات دەپۋتاتى, فيلوسوفيا عىلىمدارىنىڭ دوكتورى, “ديالوگ ەۋرازيا” پلاتفورماسىنىڭ كوميتەت باسشىسى عاريفوللا ەسىم مەن “ديالوگ ەۋرازيا” قوعامدىق قورىنىڭ پرەزيدەنتى ساليح اكچاي ءسوز الىپ, پلاتفورما تۋرالى, ونىڭ ماقساتى مەن ءمانى تۋرالى كەڭ تۇسىنىك بەردى. ولاردىڭ ايتۋىنشا, امەريكادا تۇراتىن ءدىنتانۋشى عۇلاما فەتحۋللا گۇلەننىڭ باستاماسىمەن قۇرىلعان بۇل پلاتفورما قازىردىڭ ءوزىندە الەمنىڭ 16 ەلىندە جۇمىس ءىستەيتىن كورىنەدى. دۇنيە جۇزىندەگى قايشىلىقتاردى مادەنيەتتەردىڭ ءتىل تابىسۋى جانە ۇلتتاردىڭ ءوزارا تۇسىنىستىگى ارقىلى شەشۋدى ۇستانىپ وتىرعان پلاتفورمانىڭ ءبىزدىڭ ەلىمىزدەگى ۇيىمىن قازاقستان جازۋشىلار وداعىنىڭ توراعاسى نۇرلان ورازالين باسقارسا, اقتوبەدەگى فيليالدىڭ توراعاسى اقتوبە مەملەكەتتىك پەداگوگيكالىق ينستيتۋتىنىڭ رەكتورى, ەكونوميكا عىلىمدارىنىڭ دوكتورى عالىمجان نۇرىشەۆ. بۇعان دەيىن اتالمىش پلاتفورما استانا مەن الماتىدا اۋىزاشار بەرىپ كەلىپتى. بيىل ولاردىڭ قاتارىنا قاراعاندى مەن اقتوبە قالالارى قوسىلعان. اۋىزاشاردا ءسوز العان وبلىستىق ىشكى ساياسات باسقارماسىنىڭ باستىعى احات مىرزالين پلاتفورما جۇمىسىنا ساتتىلىك تىلەدى. ودان كەيىن پەداگوگيكا عىلىمدارىنىڭ كانديداتى نيەتجان بەرىكوۆ, فيلوسوفيا عىلىمدارىنىڭ دوكتورى, پروفەسسور امانگەلدى ايتالى, “شامشىراق-اقتوبە” جشس-ءنىڭ ديرەكتورى, اقىن مەيىرحان اقداۋلەتوۆ پلاتفورما تۋرالى ورامدى ويلارىن ورتاعا سالدى.“ديالوگ ەۋرازيا” پلاتفورماسى وبلىستىق فيليالىنىڭ توراعاسى عالىمجان نۇرىشەۆ اۋىزاشارعا جينالعاندارعا العىسىن ايتىپ, استانالىق قوناقتاردىڭ يىعىنا شاپان جاپتى.
ساتىبالدى ءساۋىرباي. اقتوبە وبلىسى.
* * *
كورمە وتكىزۋ مۇمكىندىكتەرى
6-9 قىركۇيەك ارالىعىندا حالىقارالىق كورمەلەر بيۋروسىنىڭ باس حاتشىسى ۆ.لوسسەرتالەس, اتالعان كورمەلەر بويىنشا ءۇيلەستىرۋشى ا.انگەل جانە ەلوردامىزدا “ەكسپو-2017” حالىقارالىق مامانداندىرىلعان كورمە وتكىزۋ جونىندەگى ءوتىنىمدى العا باستىرۋ بويىنشا قازاقستاندىق تاراپتىڭ باس كونسۋلتانتى ح.كوررەاسپەن بىرگە ىسساپارمەن استانادا بولدى. ال اتالعان كورمەلەر بيۋروسىنىڭ باس حاتشىسى باق وكىلدەرىمەن بريفينگ وتكىزدى.
حالىقارالىق كورمەلەر بيۋروسىنىڭ باس حاتشىسى ۆ.لوسسەرتالەستىڭ ءىسساپارىنىڭ ماقساتى – قازاقستان باسشىلىعىنىڭ استانا قالاسىندا “ەكسپو-2017” كورمەسىن وتكىزۋ جونىندەگى ءوتىنىمدى العا باستىرتۋ نيەتىنىڭ بەرىكتىگىنە كوز جەتكىزۋ, سول سياقتى, وتىنىمدەر بازاسىنىڭ قۇرىلۋى جانە “ەكسپو-2017” كورمەسىن وتكىزۋگە بىرقاتار باسقا دا مەملەكەتتەردەن وتىنىمدەردىڭ تۇسۋىنە بايلانىستى ەلىمىز باسشىلىعىمەن “ەكسپو-2017”-ءنى وتكىزۋ يدەياسىن جۇزەگە اسىرۋ ءجونىندەگى قازاقستاندىق جوسپارلارعا قاتىستى ماسەلەلەردى تالقىلاۋ.
باس حاتشىنىڭ ايتۋى بويىنشا, ونىڭ ەلباسىمەن كەزدەسۋى قازاقستاننىڭ اتالعان شارانى استانادا وتكىزۋگە دەگەن بەرىك نيەتىنە كوز جەتكىزۋگە مۇمكىندىك بەرسە, ەكونوميكالىق دامۋ جانە ساۋدا ءمينيسترى ج.ايتجانوۆامەن كەزدەسۋدە كورمەنى وتكىزۋدىڭ ەكونوميكالىق ءتيىمدىلىگى تالقىلانعان. سونداي-اق تۋريزم جانە سپورت ءمينيسترى ت.دوسمۇحامبەتوۆپەن اڭگىمەدە استانا قالاسىنا تۋريستەردى تارتۋ مۇمكىندىگى قاراستىرىلسا, ەلوردا اكىمى ي.تاسماعامبەتوۆ باس حاتشىنى ەكسپوورتالىق ورنالاسۋعا ءتيىس اۋماقپەن تانىستىرعان. سىرتقى ىستەر مينيسترلىگىندە جاۋاپتى حاتشى ر.جوشىباەۆپەن كەزدەسۋ بارىسىندا اتالعان شارانى قازاقستاننىڭ شەتەلدەردەگى ديپلوماتيالىق وكىلدىكتەرى ارقىلى قولداۋ قاجەتتىلىگى اتاپ ءوتىلىپ, يندۋستريا جانە جاڭا تەحنولوگيالار ۆيتسە-ءمينيسترى د.تۇرعانوۆپەن “ەكسپو-2017” تاقىرىبى تالقىلانعان.
ءابدىراحمان قىدىربەك.