8 قىركۇيەكتە استانادا قر-داعى ادام قۇقىقتارى جونىندەگى ۋاكىل اسقار شاكىروۆ جەتكىلىكتى تۇرعىن ءۇي ماسەلەسى جونىندەگى بۇۇ ارنايى بايانداماشىسى راكەل رولنيكپەن كەزدەستى.
بۇۇ ارنايى بايانداماشىسى ر.رولنيك قازاقستاندا 2010 جىلدىڭ 13 قىركۇيەگىنە دەيىن بولادى, ونىڭ ساپارىنىڭ ماقساتى قازاقستاندا جەتكىلىكتى تۇرعىن ۇيگە بەرىلەتىن قۇقىقتار جانە وسىمەن بايلانىستى باسقا دا قۇقىقتاردىڭ ىسكە اسىرىلۋىن باعالاۋ بولىپ تابىلادى.
قازاقستاندىق ومبۋدسمەن قوناقتى ادام قۇقىقتارى جونىندەگى ۋاكىل مەكەمەسى جۇمىسىنىڭ ەرەكشەلىكتەرىمەن, شاعىمداردىڭ قارالۋ ءتارتىبىمەن, حالىقارالىق قۇقىق قورعاۋ كونۆەنتسيالارى مەن كەلىسىم-شارتتار ىسكە اسىرىلعاندا مەملەكەتتىك ورگاندار مەن ۇكىمەتتىك ەمەس ۇيىمدارمەن ءوزارا ارەكەتتەسۋدىڭ تاجىريبەسىمەن, سونداي-اق ازاماتتاردىڭ تۇرعىن ۇيگە بەرىلەتىن قۇقىقتارىن قامتاماسىز ەتۋ سالاسىندا مەكەمە قىزمەتىنىڭ نەگىزگى باعىتتارىمەن تانىستىرىپ ءوتتى.
بۇۇ ارنايى بايانداماشىسى مەملەكەتتىڭ الەمدىك ەكونوميكالىق داعدارىس سالدارلارىنا ءتوزۋ بويىنشا كوپ قىرلى قىزمەتىنە, نەگىزىنەن, قازاقستان ۇكىمەتىنىڭ ازاماتتاردىڭ اناعۇرلىم وسال ساناتتارىنىڭ, ناقتى ايتقاندا كىرىس دەڭگەيى از وتباسىلاردىڭ, ورالمانداردىڭ, جەتكىلىكتى تۇرعىن ۇيگە بەرىلەتىن قۇقىقتارىن قورعاۋ بويىنشا شارالاردىڭ قولدانۋىنا نازارىن اۋداردى.
مەملەكەتتىك ورگانداردىڭ وكىلدەرىمەن وتكەن كەزدەسۋلەر مەن الىنعان اقپاراتتى تالداۋدىڭ قورىتىندىسى بويىنشا ر.رولنيك 2011 جىلدىڭ ناۋرىزىندا ادام قۇقىقتارى جونىندەگى بۇۇ كەڭەسىنە ۇسىنىلاتىن ەسەپتى ازىرلەيدى.
ادام قۇقىقتارى جونىندەگى ۋاكىل اپپاراتىنىڭ ءباسپاسوز قىزمەتى.