يماندىلىق ۇلگىسىن كورسەتتى

وتىز كۇن ورازا ۇستاپ, يماندىلىق تانىتىپ, يبالىلىققا بەت بۇرعان باۋىرلارىمىزعا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ باسشىلىعى داستارقان ۇيىمداستىرىپ, اۋىز اشتىردى. رامازان ايىندا ورازا تۇتىپ, اۋىز بەكىتكەن وقىتۋشىلار مەن قىز­مەتكەرلەر, ستۋدەنت جاستار بۇل يگىلىكتى ىسكە وزدەرىنىڭ ءدان ريزا­لىق­تارىن جەتكىزدى. 600-دەن اسا اۋىز بەكىتكەن ازاماتتاردىڭ اراسىندا ار­داقتى اقساقالدار مەن اقجاۋ­لىق­تى انالار دا از بولعان جوق. سول سە­كىلدى ەلوردامىزداعى كيەلى ورىن­داردىڭ بىرىنەن سانالاتىن “نۇر استا­نا” مەشىتىنىڭ يمامدارى مەن ءدىن وكىلدەرى قاتىسىپ, جاراتۋ­شى­مىزدىڭ وسيەت-ونەگەسىنەن جان-جاقتى اڭگىمە قوزعاپ, ادامدىق پەن ادالدىق, ازاماتتىق, يمان جولىن­داعى تازالىق تۋرالى وي ءوربىتتى. جاستارعا يسلامنىڭ قادىر-قاسيەتى تۋ­رالى كەڭىنەن تولعاپ, مۇسىل­مان الەمىنىڭ قۇندىلىقتارى ءتوڭى­رە­گىندە  سۇحباتتاستى. وسىنداي ونەگەلى  ىسكە ۇيىتقى بولعان ءبىلىم ورداسىنىڭ باسشى­لا­رىنىڭ اتىنان وقۋ-ادىستەمەلىك جۇمىس جانە ستراتەگيالىق دامۋ ءجو­نىندەگى پرورەكتور ديحان قام­زا­بە­ك ۇلى 30 كۇن ورازانىڭ ءوز قۋاتى, ادام بويىنا دارىتار جاقسىلىعى بارىن, اللاعا قۇلشىلىق ەتىپ, ورا­زا تۇتقان بارشا جاماعاتتىڭ, ونىڭ ىشىندە ستۋدەنت جاستاردىڭ كەۋدەلەرىندەگى ساۋلە مەن ىزگى نيەتىن  ءبىلدىرىپ, ولاردىڭ تىلەگەن تىلەكتەرى قابىل بولسىن, دەدى. جىل سايىن وسىنداي اۋىزا­شار­دى داستۇرگە اينالدىرىپ كەلە جات­قان وقۋ ورنىنىڭ جاقسى ءىسى وزگە­لەرگە ۇلگى بولارلىق. ءبىز ورازادان كەيىن دە يماندىلىق جولىنداعى ءتالىم-تاربيە ماسەلەسىن جالعاستىرا بەرەتىن بولامىز, دەي كەلىپ, پرو­رەك­تور اۋىزاشارعا جينالعان قاۋىم­عا ۋنيۆەرسيتەت اكىمشىلىگى اتىنان جاقسىلىققا ۇيىتاتىن ەڭبەكتەر مەن ۇلتىمىزدىڭ ۇلى وي­شىلى, حاكىم ابايدىڭ ەكى تومدىق شى­عارمالار جيناعىن سىيعا تارتتى. سۇلەيمەن مامەت. * * *

ورازاداعى وڭدى ىستەر

تۇركىستان قالاسىنىڭ اكىمى قايرات مولداسەيىتوۆتىڭ باستاما­سى­مەن رامازان ايىندا الەۋمەتتىك جاعىنان از قورعالعان, كومەككە مۇق­تاج وتباسىلارعا جاردەم بەرىلدى. الدىمەن كومەككە مۇقتاج 100 وتباسى تاڭداپ الىنىپ, ولارعا ءبىر­نەشە قاپ ۇن, پىستە ماي جانە ءۇش توننادان كومىر بەرىلدى. – تۇركىستان – ەل اۋزىندا قا­زاقتىڭ رۋحاني استاناسى ءارى يمان­دى­لىق قالاسى دەپ اتالادى, – دەيدى قالا اكىمى. – سوندىقتان, ىزگى باس­تا­مالاردىڭ وسى قاسيەتتى ايماقتا قولعا الىنۋى زاڭدى. ءبىر جولعى كو­مەكپەن, ارينە, ەشكىمنىڭ قابىرعا­سىن جابا المايمىز. بىراق, ايلار­دىڭ سۇلتانىندا, ايت كۇندەرى كو­مەك­كە مۇقتاج وتباسىلار ەشكىمگە جالتاقتاماي قازانىن كوتەرە الادى. يگى باستامانى حقتۋ رەكتورى لەسبەك ءتاشىموۆ, “اق جول” فير­ما­سىنىڭ پرەزيدەنتى سابىر اتاەۆ, ءازى­رەت سۇلتان مۋزەيىنىڭ باسشى­لىعى قولداعان. جيىندا “كەنتاۋ” ترانسفور­ماتور زاۋىتى” ديرەكتورلار كەڭە­سى­نىڭ توراعاسى سەيدۋللا قوجاباەۆ ۇجىم اتىنان 200 مىڭ تەڭگە ءبولى­نە­تىندىگىن ايتتى. ءبىز كومەك بەرىلگەن ءبىر وتبا­سىنىڭ شاڭىراعىنا باس سۇقتىق. اۋعانستاننان تاريحي وتانىنا ورالعان قۇسەيىن بالاسى افقان قا­ريانىڭ قولى قىسقا. جاپىرىپ جۇ­مىس جاسار ازامات بالاسى جوق. مەم­لەكەتتىك كومەكتىڭ ارقاسىندا جان با­عىپ وتىرعان ولار كومەككە اسا مۇقتاج. افقان قاريا قالا باسشى­لى­عى­نا راحمەتىن ايتىپ, كوزىنە جاس الدى. رامازان ايى ايلاردىڭ سۇلتانى. مۇسىلماندار ءۇشىن قاسيەتتى اي. داۋلەتتى ازاماتتار وسىندايدا وتان­داستارىنا كومەك كورسەتسە ساداقاسى قابىل بولادى. مەملەكەتتىك كو­مەككە قاراپ وتىرعان وتباسىلاردىڭ جاعدايىنان وسىنى ۇعۋعا بولا­تىنداي. ولاردىڭ ءبىرازى اۋلاسىنا كومىر تۇسىرىلگەندە قاتتى قۋاندى. ويتكەنى, وڭتۇستىكتىڭ قىسى قىسقا. ءۇش توننا كومىرمەن كوكتەمنىڭ جىلىمىعىنا ىلىگۋگە بولادى. تۇركىستان قالاسىنىڭ اكىمدىگى مۇنداي كومەكتەردى تۇراقتى كورسە­تۋگە باعىت ۇستاپ وتىر. باقتيار تايجان. وڭتۇستىك قازاقستان وبلىسى, تۇركىستان قالاسى.