اۋەندەر ۇندەستىگى

وتكەن جىلى قاراشادا ەل پرەزيدەنتى نۇرسۇلتان نازارباەۆ بەلارۋس رەسپۋبليكاسىنا رەسمي ساپارمەن بارىپ قايتقان بولاتىن. ساپار بارىسىندا ەكى مەملەكەت اراسىنداعى دوستىق پەن ىنتى­ماقتاستىق بايلانىستاردى جۇزەگە اسىرۋ ماقساتىندا قولعا الىنعان شارالاردىڭ ءبىرى رۋحاني داستۇرلەردى جاڭعىرتۋ ەكەنى ەسكەرىلىپ, بەلارۋس رەسپۋبليكاسىنىڭ قازاقستانداعى مادەنيەت كۇندەرىن وتكىزۋ كوزدەلگەن. ك. بايسەيىتوۆا اتىنداعى ۇلتتىق وپەرا جانە بالەت تەاترىندا سالتاناتتى راۋىشتە اشىلعان بەلارۋس رەسپۋبليكاسىنىڭ قازاقستانداعى مادەنيەت كۇندەرىندە مادەنيەت مينيسترلىگى مادەنيەت كوميتەتىنىڭ توراعاسى ءىلياس قوزىباەۆ پەن بەلارۋس رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ۆالەري برىلەۆ ەكى حالىقتىڭ مادەني ساباقتاستىعىن ۇلىقتايتىن يگى شاراعا تىلەكتەرىن ايتىپ, قوناقتاردىڭ “كلاسسيك-اۆانگارد” ءانسامبلى قازاق ەلىنە ارنايى ازىرلەگەن كونتسەرتتىك باعدارلاماسىن ۇسىندى. مادەني شارانى مادەنيەت مينيسترلىگى مەن “قازاقستان حالقىنىڭ رۋحاني دامۋ قورى” اق ۇيىمداستىرۋا. ەل مەن ەلدىڭ اراسىنداعى رۋحاني ساباقتاستىقتى ساز ورنەكتەرىمەن بەدەرلەۋدەن اسقان اسەرلى ەشتەڭە تاپپايسىز. جۇرەكتىڭ مۇڭى مەن قۋانىشى, ساعىنىشى مەن سارقىل­ماس باقىتى تەك قۇدىرەتتى اۋەن قاناتىمەن تالماي قالىقتايدى. حالىقتىڭ تابيعاتىن تانىپ, جانىن بارىنشا ۇققىسى كەلەتىن ادامنىڭ اۋەلى وسى ەلدىڭ مۋزىكاسىنا قۇلاق توسۋى بەكەر بولماسا كەرەك. سول سەبەپتى دە, مۇنداي شىعارماشىلىق بايلانىستارعا قاي ەل بولسىن اۋەلى ءوزىنىڭ ەڭ قىمبات دۇنيەسىن ۇسىنۋعا تىرىسىپ باعاتىنى حاق. “كلاسسيك-اۆانگارد” ءانسامبلى ءاربىر بەلورۋس­تىڭ كوكەيىنە ماقتانىش سەزىمىن ءۇيالاتاتىن, اتاعى ەۋروپاعا تاراعان وسىنداي ايگىلى كامەرالىق ۇجىم سانالادى. ءانسامبلدىڭ ون سەگىز مۇشەسىنىڭ ارقايسىسى ءوز الدىنا جەكە تۇلعا رەتىندە حالىقارالىق كونكۋرستاردا جۇلدە الىپ جۇرگەن دۇلدۇلدەر دەسەك, ال ۇجىمنىڭ كوركەمدىك جەتەكشىسى ءارى ديريجەرى ۆلاديمير بايدوۆتىڭ ءداستۇرلى بەلورۋس اۋەنى مەن كلاسسيكالىق جاۋھارلاردىڭ جاقىن ۇندەستىگىنەن كەستەنىڭ اشەكەيىندەي كوركەم بەينە تۇيگەن سۋرەتكەر ەكەنىن, “كلاسسيك-اۆانگاردتىڭ” شىعار­ما­شىلىق شىڭدالۋىنا قوس­قان تولايىم ەڭبەگىن جۇرت ەرەكشە سۇيىسپەن­شى­لىكپەن ايتاتىنى شىن­دىق. ۆيتەبسك قالا­سىن­دا وتەتىن ي.سوللەر­تين­­سكي اتىنداعى حا­لىق­ارالىق كامەرالىق مۋ­زىكا فەستيۆالىن ۇي­ىمداستىرۋعا مۇرىندىق بولعان ءانسامبلدىڭ جي­ىر­ما جىلدان استامعى تاريحىن تۇگەل شولىپ شىعا الماسپىز, بىراق تا ونەر ۇجىمىنىڭ ۇلت­تىق راديو قورىنا جا­زىلعان 150-دەي ءىنجۋ-مار­ج­انىن بەلورۋس حال­قىنىڭ قالىپتاسۋ ءداۋى­رىن تۇتاس قامتيتىن, كە­شە­دەن بۇگىنگە دەيىنگى مۋزىكالىق تىنىس-ءتىرشى­لىكتەن ءتى­زىل­گەن شەجىرەلىك جيناق دەۋگە تولىق نەگىز بارداي. قازاق ەل­ىندە العاش رەت ونەر كورسەتىپ وتىر­عان ۇجىمنىڭ شىعارماشىلىق ءىز­دەنىستەگى كەلبەتىن ۇلتتىق سالت-ءداس­تۇرگە نەگىزدەلگەن سازدارى مەن ءXVىى-XX عاسىرلار ارا­لى­عىنداعى قۇن­دىلىقتاردان ىرىك­تەل­گەن جازبالا­رىنان ايقىن تانيسىز. “كلاسسيك-اۆانگارد” ءانسامبلىنىڭ ەلورداداعى كەشى جۇرتقا قانداي اسەر قالدىردى دەيتىن بولساق, ال­دىڭ­عى ساپتاعى سەگىز سكريپكا مەن ەكى ۆيولونچەلدىڭ ديريجەر تاياقشا­سىمەن تەڭدەي تەربەلىپ, ال ەكىنشى قاتارداعى ۇرلەمەلى ءتۇرلى اسپاپتار قونىمدى ۇيلەسىپ, ءبىرىن-ءبىرى تولىقتىرىپ, ءبىرىنىڭ ءۇنىن ەكىنشىسى ارمەن قاراي مۇلتىكسىز جالعاستىرىپ, تولىق تۇسىنىستىكپەن سىڭعىرلاتا جونەلۋى كوڭىلدى كوكوراي بەلگە جەتەلەدى. بەلورۋستىڭ “كۋپالينكا”, “پولكا يانكا” حالىق اندەرىن ورىن­داعان بەلارۋس رەسپۋبليكا­سى­نىڭ ۇلتتىق اكادەميالىق وپەرا جانە بالەت تەاترىنىڭ ءارتىسى اناس­تا­سيا موسكۆينا مەن “يسا پايعام­بار­دىڭ ءانۇرانىن” ايتقان ۆلا­دي­مير گروموۆتىڭ ايشىقتى داۋىس­تارى انسامبل اۋەنىمەن جاراسا قابىسىپ, شەبەرلىك ۇلگىسى كورىنىس تاپتى. الەم جانە بەلورۋس كومپو­زيتورلارى قاتار شىرقالدى. يوگانن شتراۋس, ماتەي رادزيۆيل, مەچيسلاۆ كارلوۆيچ, ستانيسلاۆ مونيۋشكو, انتوني ورلوۆسكي, سەكوندو كا­زا­دەي, رومان پولەستەر سىندى ءوت­كەن عاسىرلار وكىلدەرى قالدىرعان مۇ­رانى قاپىسىز وڭدەپ, حالىققا جەتكىزۋدە “كلاسسيك-اۆانگاردتىڭ” توكك­ەن تەرى ولشەۋسىز ەكەنىنە كوز جەت­كىزەتىن مۇنان دا باسقا مىسالدار از ەمەس. انسامبل كەنەت قازاقتىڭ “دايراباي”, “كوكپار”, “ەرتەگى” شىعارمالارىن سىزىلتا تارتقاندا, جۇرەك شىمىرلاي جونەلگەن. مۇن­داي­دا بىرەگەي تۋىندىنىڭ قاي حا­لىققا بولسىن ەجەلدەن تانىس ءاۋ­ەن­دەي جانىنا جاقىن بولىپ كەتەتىنى بەلگىلى. مۋزىكا ءتىلىنىڭ قۇدىرەتىنە شەك كەلتىرمەس مۇنداي ساتتەر اسە­رى­نەن ەشكىم دە تىس قالا المايدى. قاراشاش توقسانباي. ----------------------------- سۋرەتتەردى تۇسىرگەن ورىنباي بالمۇرات.