اقتاۋدا “وازيس” اتالاتىن 256 پاتەرلى تۇرعىن ءۇي كەشەنى پايدالانۋعا بەرىلدى. بۇل ءۇيدىڭ ەرەكشەلىگى سول, ول قالاداعى 24 قاباتتى ەڭ بيىك قۇرىلىس جانە 121 ۇلەسكەر قارجىسى تارتىلعان نىسان. سونداي-اق وبلىس اكىمى قىرىمبەك كوشەرباەۆ “Green park” اتتى كەشەننىڭ دە پايدالانۋعا بەرىلۋ سالتاناتىنا قاتىستى. ءسويتىپ, وبلىس ورتالىعىنداعى بىتپەي قالعان نىساندار تاپسىرىلا باستادى.
وبلىستىق ارحيتەكتۋرا جانە قالا قۇرىلىسى باسقارماسىنىڭ باستىعى جالعاس باباحانوۆتىڭ ايتۋىنشا, جاقىن كۇندەرى 400-گە جۋىق ۇلەسكەرلىك قۇرىلىستار – “نۇر ءۇمىت”, “تاڭشولپان” تۇرعىن ءۇي كەشەندەرىنىڭ قۇرىلىسى باستالماقشى. ال جىل اياعىنا دەيىن “باعىس” جشس كوپپاتەرلى تۇرعىن ءۇي كەشەنىن پايدالانۋعا بەرۋ ءۇشىن جۇمىستانۋدا. جالپى, 2011 جىلدىڭ اياعىندا ۇلەسكەرلىك قۇرىلىستاردىڭ ماسەلەسى وڭ شەشىمىن تاپپاقشى.
جولامان بوشالاق. اقتاۋ.