مالىمەتتەر قايشىلىعى جوق

تەك تۇسىنىكتەمە قاجەت “ەگەمەن قازاقستان” گازەتىنىڭ قىركۇيەكتىڭ 3-ءى كۇنگى №358-359 سانىندا جاريالانعان “ەكسپورت كولەمى – 8 ملن. توننا استىق” دەگەن ما­قالادا كەلتىرىلگەن مەنىڭ, ياعني “ازىق-ت ۇلىك كەلىسىم-شارت كور­پو­راتسياسى” ۇك” اق-تىڭ كوم­مەر­تسيا­لىق ماسەلەلەر ءجونىن­دەگى باسقارۋشى ديرەكتورى داۋلەت ۋۆاشەۆتىڭ پىكىرىنە تۇسىنىكتەمە قاجەت. ماقالادا اقش جانە قر اۋىل شارۋاشىلىعى مينيسترلىك­تەرى­نىڭ قازاقستانداعى استىق ءتۇ­سى­مى تۋرالى بولجامدارى كەل­تى­رىل­گەن. مىسالى, قر اشم بيىل جينالاتىن استىق كولەمى 13,5-14,5 ملن. توننا دەگەن بولجام جاساعان, ال اقش اشم قازاقستانداعى جينالاتىن بيداي كولەمىن 11,5 ملن. توننا دەگەن مالىمەت تاراتتى. مەنىڭ تۇسىندىرگەن مالىمەتتەرىمدە   تەك بيدايعا قاتىستى ايتىلعان. ال باسقا ءداندى داقىلداردىڭ ءونىمىن (قارا بيداي, ارپا, كۇرىش جانە ت.ب.) قوسا ەسەپتەگەندە – شامامەن 2,2 ملن. توننا. سوندىقتان قازاقستان­داعى استىق ءتۇسىمى تۋرالى ەكى مەملەكەتتىڭ اۋىل شارۋاشىلىعى مينيسترلىكتەرى جاساعان بولجام ءبىر-بىرىنە سايكەس كەلەدى. سونىمەن قاتار وسى ماقالادا كەلتىرىلگەن “بىلتىرعىدان قالعان استىق قورى 3,2 ملن. توننا” دەگەن مالىمەتتە تەك “ازىق-ت ۇلىك كەلىسىم-شارت كورپوراتسياسى” اق-تىڭ قورى تۋرالى ايتىلعان. قر ستاتيستيكا اگەنتتىگىنىڭ اقپاراتى بويىنشا ەلىمىزدەگى اس­تىق مولشەرى 1-ءشى شىلدەدە شامامەن 7 ملن. توننانى, ال 1 تامىزدا 6,1 ملن. توننانى قۇرادى. مۇندا دا مالىمەتتەر قاي­شىلىعى جوق. قوعامدا ءار­قيلى  پىكىر تۋدىرماس ءۇشىن وسى مالىمەتتەردى ناقتىلاپ جاريالاۋ­لارىڭىزدى سۇرايمىن. داۋلەت ۋۆاشەۆ, “ازىق-ت ۇلىك كەلىسىم-شارت  كورپوراتسياسى” ۇك” اق-تىڭ  كوممەرتسيالىق ماسەلەلەر جونىندەگى باسقارۋشى ديرەكتورى.