كەشە وسكەمەن قالاسىندا باستالعان قازاقستان رەسپۋبليكاسى مەن رەسەي فەدەراتسياسىنىڭ ايماقارالىق قارىم-قاتىناس ءجونىندەگى ءVىى فورۋمى كەزىندە ءبىلىم جانە عىلىم مينيسترلىگى ەلباسىنىڭ دوستاستىق ەلدەرىندە ينتەگراتسيالىق ۇدەرىستەردى دامىتۋ تۋرالى باستاماسىن قولداي وتىرىپ, رەسەيدىڭ ورتتەن زارداپ شەككەن ايماقتارىنىڭ وقۋشىلارىنا گۋمانيتارلىق كومەك كورسەتتى.
بۇل اكتسياعا جوعارى وقۋ ورىندارىنىڭ, كاسىپتىك-تەحنيكالىق ءبىلىم بەرۋ ۇيىمدارىنىڭ, رەسپۋبليكالىق مەكەمەلەردىڭ, بالالاردىڭ قۇقىقتارىن قورعاۋ دەپارتامەنتتەرىنىڭ ۇجىمدارى, پەداگوگتار مەن ستۋدەنتتەر بەلسەنە قاتىستى. ءسويتىپ, قازاقستاننىڭ پەداگوگتارى مەن ستۋدەنتتەرى وزدەرىنىڭ كورشى ەلگە دەگەن دوستىق پەيىلدەرى مەن سەزىمدەرىن ءبىلدىردى.
رەسەي وقۋشىلارىنا جالپى قۇنى 12 ميلليون تەڭگەدەن اساتىن مەكتەپكە ارنالعان كيىمدەر, سومكەلەر, داپتەرلەر, بوياۋلار, البومدار جانە باسقا دا كەڭسە كەرەك-جاراقتارى جونەلتىلدى.
“ەگەمەن-اقپارات”.