سپورت كەشەنى – استانا كۇنىنە سىيلىق

بارەكەلدى!

جاستاردىڭ بىلعارى قولعاپ كيىپ, بوكسپەن جاتتىعۋلارىنا ار­نالعان وبلىس ورتالىعىنان ارنايى ورىن اشۋ تۋرالى ۇسىنىس وبلىس اكىمى باقىتجان ساعىنتاەۆتىڭ باستاماسى بولدى. سپورتتىڭ وسى تۇرىمەن اينالىساتىندار ءۇشىن, ارينە, بارلىق قۇرال-جابدىقتارى, جاتتىعۋ زالى, باسقا دا قاجەتتى ءبول­مەلەرى بار شاعىن كەشەننىڭ اشىل­عانى قۋانىشتى ءجايت. ال, سپورت­تىڭ جاستار جاقسى كورەتىن وسى ءتۇرىنىڭ وبلىس بويىنشا دامۋىنا ۇلەستەرىن قوسىپ, دەمەۋشىلىك جاساپ بوكس زالىن پايدالانۋعا بەرگەن دان­باي شۋحرات باسقاراتىن “پاۆ­لو­دار مۇناي-حيميا زاۋىتى” اكتسيو­نەرلىك قوعامى. بوكس زالىنىڭ اشىلۋ قۇرمەتىنە بەيجىڭ وليم­پياداسىنىڭ چەمپيونى باقىت سارسەكباەۆ كەلىپ قاتىستى. بوكسشى ءوزىنىڭ سپورتتاعى جە­ڭىس­كە جەتۋ جولى وسىنداي شاعىن بوكس زالدارىنان باستالعانىن ەسىنە الدى. ايتپاقشى, پايدالانۋعا بەرى­لىپ وتىرعان بوكس زالى قۇرىلىسى كەلەر جىلى تولىق اياقتالاتىن سپورت كەشەنىنىڭ ءبىر بولىگى عانا بولىپ تابىلادى. زاۋىت باسشىلىعى ەكى بوكس الاڭى, 50 ورىندى كورەر­مەن زالى, 20 سپورتشىعا ارنالعان قوناق ءۇي بولمەلەرى بار سپورتتىق كەشەندى ءبىر جىلدان سوڭ ىسكە قوس­پاق­شى. ياعني, وبلىس ورتالىعىندا وتەتىن ءتۇرلى جارىستاردى وسى جاڭا كەشەندە وتكىزە بەرۋگە بولادى, ءارى بىلعارى قولعاپ كيىپ الىپ كۇشتەرىن سىناۋدى جاقسى كورەتىن جاستار قاتارى دا كوبەيەرى ءسوزسىز. كەشەن زاۋىتتىڭ كەلەر جىلى اتالىپ وتەتىن استانانىڭ تۋعان كۇنىنە ارنايتىن سىيلىعى بولماق­شى. ەندى ءبىراز ۋاقىتتان سوڭ وبلىس ورتالىعىندا جارقىراعان جاڭا تەننيس كەشەنى دە بوي كوتەرەدى. ەلباسى بيىلعى جولداۋىندا 2020 جىلعا دەيىن حالقىمىزدىڭ 30 پا­يىزى دەنە شىنىقتىرۋ جانە سپورت­پەن اينالىسۋلارى قاجەت دەگەن بولاتىن. ولاي بولسا, وسىن­داي جاڭا كەشەندەردىڭ اشىلۋى جۇرت­شى­لىقتى وتباسىمەن بىرگە سالا­ماتتى ءومىر سالتىن قالىپ­تاس­تىرۋعا, دەنساۋلىقتارىن شىڭداۋعا تارتاتىنى انىق. فاريدا بىقاي. پاۆلودار.