2-6 قىركۇيەك ارالىعىندا “قازاقستان رەسپۋبليكاسىنداعى ادام قۇقىقتارى جونىندەگى ۋاكىل مەن بۇۇ بالالار قورى (يۋنيسەف) اراسىنداعى ىنتىماقتاستىق تۋرالى مەموراندۋم” شەڭبەرىندە بالالارعا قاتىستى زورلىق جاساۋ پروبلەمالارىن زەردەلەۋگە باعىتتالعان بىرقاتار ءىس-شارالار وتكىزىلدى.
اتالعان ءىس-شارالار “قازاقستان رەسپۋبليكاسىندا قۇقىق قورعاۋ قىزمەتى مەن سوت جۇيەسىنىڭ ءتيىمدىلىگىن ارتتىرۋ جونىندەگى شارالار تۋرالى” قازاقستان رەسپۋبليكاسى پرەزيدەنتىنىڭ جارلىعىن جازالاردىڭ كەيبىر تۇرلەرىن ىزگىلەندىرۋ, سونداي-اق كتۋوبوو-دارىن ءبىلىم بەرۋ جۇيەسىنىڭ قاراماعىنا بەرۋ بولىگىندە ورىنداۋ ءۇشىن وتكىزىلدى.
قازاقستاندا بالالارعا قاتىستى زورلىق جاساۋ پروبلەمالارى تۋرالى اناليتيكالىق ەسەپتى ازىرلەۋ ءۇشىن ايەلدەر مەن بالالارعا قاتىستى زورلىق جاساۋ, بالالاردى ساتۋ مەن قاناۋ, قىلمىستىڭ قۇرباندارىنا كومەك كورسەتۋ, بالالاردى قورعاۋ جۇيەسى, سوت ادىلدىگى جۇيەسىنە قولجەتىمدىلىك پروبلەمالارى بويىنشا مول جۇمىس تاجىريبەسى بار يۋنيسەف حالىقارالىق ساراپشىسى, شىعىس كەنتۋككي ۋنيۆەرسيتەتىنىڭ پروفەسسورى روبين حاارر حانىم شاقىرىلدى.
جوسپارلانعان ءىس-شارالار شەڭبەرىندە بەيىندى مينيسترلىكتەردىڭ باسشىلىقتارىمەن كەزدەسۋلەر ءوتكىزىلدى, استانا قالاسىنىڭ بالالار مەكەمەلەرىنە – كامەلەتكە تولماعانداردى ۋاقىتشا وقشاۋلاۋ, بەيىمدەۋ جانە وڭالتۋ ورتالىعى مەن مامانداندىرىلعان بالالار ۇيىنە ساپار جاسالىندى, بالالارعا قارسى زورلىق جاساۋ جاعدايىنىڭ الدىن الۋ مەن وڭتايلانۋ جونىندە مەملەكەتتىك ورگاندار مەن ۇكىمەتتىك ەمەس سەكتورعا ارناپ سەمينار وتكىزىلدى.
سەميناردىڭ قاتىسۋشىلارى الەمدەگى بالالارعا قاتىستى زورلىقتىڭ بار بولۋىنىڭ حالىقارالىق ستاندارتتارى مەن تاجىريبەسىمەن تانىسۋعا مۇمكىندىك الدى, سونداي-اق قازاقستاندا بۇل پروبلەمانى شەشۋ بويىنشا ءتيىستى ءادىستەمەنىڭ ازىرلەنۋى تالقىلاندى.
ادام قۇقىقتارى جونىندەگى ۇلتتىق ورتالىق پەن بۇۇ بالالار قورىنىڭ (يۋنيسەف) ءباسپاسوز قىزمەتى.