كەشە استانادا ەۋرازەق-قا مۇشە مەملەكەتتەر ادىلەت مينيسترلەرى كەڭەسىنىڭ 15-ءشى وتىرىسى ءوتتى.
قازاقستان رەسپۋبليكاسىنىڭ ادىلەت ءمينيسترى ر.تۇسىپبەكوۆ ەۋرازەق-تىڭ قۇرىلعانىنا 10 جىل تولعانىن, سوندىقتان ول ءۇشىن 2010 جىلدىڭ مەرەيتويلىق جىل ەكەنىن اتاپ ءوتتى.
وتىرىستا سوت ساراپشىلارىن حالىقارالىق ستاندارتتارعا ساي اككرەديتتەۋ, سوت-ساراپتاما مەكەمەلەرىنىڭ وڭىرارالىق اسسوتسياتسياسىن قۇرۋ, سول سياقتى ازاماتتارعا تەگىن زاڭگەرلىك كومەك كورسەتۋ جانە سوت اكتىلەرىن ورىنداۋ ماسەلەلەرى قارالدى.
قىلمىستىق اتقارۋ جۇيەسىنىڭ كاسىبي كادرلىق قۇرامىن قالىپتاستىرۋدىڭ ماڭىزدىلىعىن نازارعا الا وتىرىپ, قازاقستان رەسپۋبليكاسى, قىرعىز رەسپۋبليكاسى جانە تاجىكستان رەسپۋبليكاسى اتىنان ەۋرازەق-قا مۇشە مەملەكەتتەردىڭ وقۋ ورىندارىندا قىلمىستىق اتقارۋ جۇيەسى مەكەمەلەرى مەن ورگاندارى ءۇشىن كادرلار دايارلاۋ تۋرالى كەلىسىمگە قول قويىلدى. رەسەيلىك دەلەگاتسيا اتالعان كەلىسىمگە قوسىلۋعا دايىن ەكەندىكتەرىن ءبىلدىردى, دەپ حابارلادى ادىلەت مينيسترلىگىنىڭ باسپاسوز قىزمەتى.