ەلباسى جاقىندا عانا ءوندىرىستى وڭىرگە جۇمىس ساپارى كەزىندە اتباسىن تىرەپ, ىزدەنىستەرى مەن ىرگەلى ىستەرىنە وڭ باعا بەرگەن ش.ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىندە ەستە قالارلىق ەرەكشە وقيعا بولدى. اقتاۋعا رەسەيدىڭ الەمگە ايگىلى جوعارى وقۋ ورنى – م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ رەكتورى, اكادەميك ۆ.سادوۆنيچي كەلدى. ول وڭىردەگى بىردەن-ءبىر حالىقارالىق ۋنيۆەرسيتەت بولا باستاعان وقۋ ورنىندا ۇستازدارمەن, ستۋدەنتتەرمەن اڭگىمەلەسىپ, ۋنيۆەرسيتەت رەكتورى ءا.ابجاپپاروۆپەن ءوزارا بايلانىستار جونىندەگى كەلىسىم-شارتقا قول قويدى. وندا جاس وقۋ ورنىندا پروفەسسورلىق-وقىتۋشىلىق قۇرامدى قالىپتاستىرۋ, عىلىمدى دامىتۋ, ءبىلىم بەرۋدىڭ زاماناۋي تەحنولوگيالارىن ەنگىزۋ, ماسكەۋ ۋنيۆەرسيتەتىندە وتەتىن حالىقارالىق فورۋمدارعا قاتىسۋ جۇمىستارىنا مۇمكىندىك جاسالاتىندىعى كورسەتىلگەن. سونداي-اق, وسىناۋ ىنتىماقتاستىق اياسىندا مۇنايلى وڭىردەگى دارىندى بالالارعا دا قولداۋ مەن قامقورلىق كورسەتىلەتىندىگى كوڭىلگە قونادى.
جولامان بوشالاق, اقتاۋ.