جۋىردا قاراعاندى وبلىسى جاستارىنىڭ 2008-2010 جىلدارعا ارنالعان ايماقتىق باعدارلاماسىن جۇزەگە اسىرۋعا بايلانىستى اباي اۋدانىنىڭ اباي قالاسىندا ءVىى وبلىستىق اۋىل جاستارىنىڭ فورۋمى ءوتتى. ەكى كۇنگە جالعاسقان شاراعا وبلىستىڭ توعىز اۋدانىنان كەلگەن دەلەگاتتار قاتىستى. وندا اۋىل جاستارى اراسىنداعى شەشىمىن تاپپاي كەلە جاتقان ماڭىزدى ماسەلەلەر تالقىلاندى.
فورۋمعا نۇرا اۋدانىنىڭ دەلەگاتتارى بىركىسىدەي اتسالىسىپ ءوز ۇلەستەرىن قوسا ءبىلدى. “بىرلىگىمىز جاراسقان!” ايدارىمەن ارنايى تىگىلگەن كيىمدەرمەن ەرەكشەلەنگەن نۇرا اۋدانىنىڭ جاستارى دەلەگاتسياسىن “جاستار كادرلىق رەزەرۆى” جوباسىنىڭ تۇلەگى بايبول ءتۇسىپوۆ باسقارىپ باردى. فورۋمنىڭ اشىلۋ راسىمىندە قاراعاندى وبلىستىق ءماسليحاتىنىڭ حاتشىسى بەيسەمباي جۇمابەكوۆ, وبلىستىق ىشكى ساياسات باسقارماسىنىڭ باستىعى گ.قاڭتاربەكوۆا, اباي اۋدانىنىڭ اكىمى ت.التىنبەكوۆ ءسوز الىپ, اتالمىش شارا جاستاردىڭ وبلىستىڭ قوعامدىق-ساياسي ومىرىنە بەلسەنە ارالاسۋىنا ىقپال ەتەتىنىن اتاپ ءوتتى. ءراسىم بارىسىندا ەرەكشە كوزگە تۇسكەن جاستارعا وبلىس اكىمدىگىنىڭ قۇرمەت گراموتاسى جانە باعالى سىيلىقتارى تابىس ەتىلدى. ولاردىڭ اراسىندا نۇرا اۋدانى “يندۋستريالنىي” ورتا مەكتەبىنىڭ مۇعالىمى, تاسسۋات اۋىلدىق جاستار كەڭەسىنىڭ توراعاسى ەرقانات ءابدىراحمانوۆ تا بار.
جۇلدىز ءبايدىلدا, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى.