قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ پەن رەسەي فەدەراتسياسىنىڭ پرەزيدەنتى دميتري مەدۆەدەۆ تەلەفون ارقىلى سويلەستى, دەپ حابارلادى مەملەكەت باسشىسىنىڭ ءباسپاسوز قىزمەتى.
مەملەكەت باسشىلارى ەكى ەلدىڭ قاتىناستارى جانە قازىرگى كەزدە رەسەي اۋماعىنداعى ءورتتى اۋىزدىقتاۋ جونىندە پىكىر الماستى. قازاقستان پرەزيدەنتى نۇرسۇلتان نازارباەۆ رەسەي باسشىسىنا ءورت سالدارىن جويۋعا كومەك كورسەتۋگە دايىن ەكەندىگىن اتاپ ءوتتى. مەملەكەت باسشىلارى, سونداي-اق الداعى ۋاقىتتا ەرەۆاندا وتەتىن ۇقشۇ سامميتىنە جانە وسكەمەندە وتەتىن قازاقستان رەسپۋبليكاسى مەن رەسەي فەدەراتسياسى اراسىنداعى وڭىرلىك فورۋمعا دايىندىق جونىندە اڭگىمەلەستى.
رەسەي پرەزيدەنتى دميتري مەدۆەدەۆ قازاقستان پرەزيدەنتى نۇرسۇلتان نازارباەۆتى استانادا ەقىۇ ءسامميتىن وتكىزۋ تۋرالى شەشىم قابىلدانعانىمەن قۇتتىقتادى.