شاڭعى جولى

وسكەمەندىكتەردىڭ قالا ىشىندە شاڭعى تەبۋىنە مۇمكىندىك سىيلادى بيىل وسكەمەندە قالا ىشىنەن شىقپاي-اق قىسقى سپورت تۇرلەرىمەن شۇعىلدانۋعا جاعداي جاسالدى. قىس باسىندا قالانى قاق جارىپ اعىپ جاتقان اق ەرتىستىڭ سول جاعالاۋىنداعى كومسومول ارالىندا 1,5 شاقىرىمدىق شاڭعى جولى پايدالانۋعا بەرىلدى. اتالعان الاڭدا 400 جانە 800 مەترلىك شاڭعى جولدارى جارىقتاندىرىلدى. – بۇرىن قالا سىرتىنداعى شاڭعى كەشەندەرىنە باراتىنبىز. بيىل كومسومول ارالىنا كەلىپ ءجۇرمىز. قالا ىشىندەگى شاڭعى جولى ۋاقىتىمىزدى ۇنەمدەۋگە مۇمكىندىك بەردى. ونىڭ ۇستىنە تراسسانىڭ ورنالاسقان جەرى دە تاماشا. شاڭعىمەن وزەننىڭ جاعاسىن, ورمان ءىشىن ارالاپ, تىنىعىپ قالاسىز, – دەدى شاڭعىمەن سەيىلدەپ جۇرگەن قالا تۇرعىنى يرينا كۋزنەتسوۆا. ال وسكەمەندىك ءلاززات كوم­پاەۆا نەمەرەسى دياستىڭ بيىل ءبى­رىنشى رەت كونكي تەبە باس­تاعانىن جەتكىزدى. باستاپقىدا كون­كيدى جالعا الىپ جۇرگەن ول تاياۋ­دا جاڭا كونكي ساتىپ العان ەكەن. – حالىق مۇز ايدىنىنا كوپ كەلەدى. ءتىپتى, كەي كۇندەرى كون­كيدىڭ بوساۋىن كۇتىپ قالاتىنبىز. البەتتە, قالا سىرتىنداعى تاۋ شاڭعىسى كۋرورتتارىنا بارۋعا قاراپايىم حالىقتىڭ جاعدايى مەن ۋاقىتى كەلە بەرمەيدى. سون­دىقتان, بالالارىمىزدىڭ بوس ۋاقى­تىن ءتيىم­دى وتكىزۋگە تاماشا جاع­داي جاساعان قالا باسشىلىعىنا ريزا­شى­لىعىمىزدى بىلدىرەمىز, – دەدى ول. وتكەن اپتادا س.امانجولوۆ اتىن­داعى شىعىس قازاقستان مەم­لەكەتتىك ۋنيۆەرسيتەتىنىڭ ۇيىمداستىرۋىمەن «قازاق­ستان-2050: تاريحي تاڭداۋ» اكتسيا­سى دا وسىندا ءوتتى. اكتسيا بارىسىندا قالا ۋنيۆەرسيتەتتەرىنىڭ وقىتۋشىلارى مەن ستۋدەنتتەرى كەزەكتەن تىس پرەزيدەنت سايلاۋىن قولداۋ ماقساتىندا شاڭعى جارىسىنا قاتىستى. – ەلباسى نۇرسۇلتان نازارباەۆ قازاقستاندىقتاردىڭ بۇقارالىق سپورت تۇرلەرىمەن شۇعىلدانۋىنا قاجەتتى ينفراقۇرىلىم قۇرۋ ءجو­نىندە تاپسىرما جۇكتەگەن بولا­تىن. «التاي» ستاديونىنا قۇيىلعان مۇز ايدىنىنا كۇنىنە 2 مىڭعا جۋىق حالىق كەلەدى. قالا تۇرعىندارىنىڭ سپورتقا قۇلشىنىسى كۇن ساناپ ارتىپ كەلەدى, – دەدى وسكەمەن قالا­سى­نىڭ اكىمى تەمىربەك قاسىم­جانوۆ. دۋمان اناش, «ەگەمەن قازاقستان». وسكەمەن. سۋرەتتى تۇسىرگەن ەسىمحان ورىنباەۆ.