«اشىق ەسىك» كۇنى

مۇمكىندىگى شەكتەۋلى جاندارعا ارنالدى  جۋىردا الماتىداعى №17 قالالىق ەمحانادا «كەدەرگىسىز كەلەشەك» باعدارلاما اياسىندا  قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتى   (قازمۇببۋ)   «نۇر وتان» پارتياسىنىڭ قالالىق فيليالى جانە الماتى قالاسى دەنساۋلىق ساقتاۋ باسقارماسىمەن بىرلەسە وتىرىپ, مۇمكىندىگى شەكتەۋلى جاندارعا اشىق ەسىك كۇنى ءوتتى. ەلباسى ءوزىنىڭ ءداستۇرلى جول­داۋىندا «نۇر وتان» پارتياسىنا ەلىمىزدەگى مۇگەدەكتەر ءومىرىنىڭ ساپاسىن كوتەرۋ جۇمىستارىن جۇرگىزۋدى تاپسىرعان بولاتىن. وسىعان وراي, «نۇر وتان» پارتياسى 2014 جىلى «كەدەرگىسىز كەلەشەك» جوباسىن قولعا الىپ,  رەسپۋبليكانىڭ بارلىق ءوڭىر­لەرىندە  مۇمكىندىگى شەكتەۋلى جانداردىڭ ءومىر ساپاسىن كوتەرۋگە ارنالعان جۇمىستاردى قارقىندى جۇرگىزۋدە.  بۇل كۇنى قازمۇببۋ كافەدرالارىنىڭ 12-گە جۋىق جەتەكشى ماماندارى مەن پروفەسسورلارى ءارتۇرلى سەبەپتەرمەن دارىگەرگە كورىنۋگە مۇمكىنشىلىگى  جوق 50-دەن اسا مۇمكىندىگى شەك­تەۋلى ناۋقاستارعا كارديولوگيا, رەۆماتولوگيا, تراۆماتولوگيا, ۋرولوگيا, ەندوكرينولوگيا, پەدياتريا, ت.ب. سالالار بويىنشا دياگنوستيكا جاساپ,  تەكسەرىپ,  كەڭەستەرىن بەردى.  ولاردىڭ اراسىندا كارديولوگيا كافەدراسىنىڭ پروفەسسورى گ.يمانتاەۆا, وفتالمولوگيا كافەدراسىنىڭ پروفەسسورى ب.سۇلەەۆا, رەۆماتولوگيا, جاراقاتتانۋ جانە ورتوپەديا كافەدرالارىنىڭ مەڭگەرۋشىلەرى م.ع.ك. جازيرا وماربەكوۆا مەن ورازباي ابدىرازاقوۆ, ت.ب. عالىمدار بار. ناۋقاستاردى قابىلداۋدا پروفەسسورلارمەن بىرگە ايگۇل تاجيەۆا باسقاراتىن №17 قالالىق ەمحانانىڭ دارىگەرلەرى دە  بەلسەنە قىزمەت كورسەتتى. سونداي-اق, «اشىق ەسىك» كۇنى اياسىندا الماتى قالالىق دەنساۋلىق ساقتاۋ باسقارماسىنىڭ باسشىسى جانات قاسىمجانوۆا, قازمۇببۋ-ءدىڭ رەكتورى عالىم توعىزباەۆ, قالالىق «نۇر وتان» پارتياسىنىڭ سايلاۋالدى تۇعىرناماسىن جۇزەگە اسىرۋ جانە باقىلاۋ ءبولىمىنىڭ كەڭەسشىسى, «كەدەرگىسىز كەلەشەك» جوباسىنىڭ ۇيلەستىرۋشىسى مەرۋەرت سۇلەيمەنوۆالار مۇمكىندىگى شەك­تەۋلى ازاماتتاردى قابىلداپ, ولاردىڭ مۇڭ-مۇقتاجىن تىڭداپ, ناقتى كومەكتەرىن كورسەتتى. – قالا تۇرعىندارىنىڭ دەن­ساۋلىعىن جاقسارتۋ ماقساتىندا 2014 جىلى دەنساۋلىق ساقتاۋ باسقارماسى مەن جۇمىسپەن قامتۋ جانە الەۋمەتتىك باعدارلامالار باسقارماسى مەن قازاقستان-رە­سەي مەديتسينا ۋنيۆەرسيتەتىنىڭ اراسىندا مەموراندۋمعا قول قويىلعان بولاتىن, – دەدى قالانىڭ باس دارىگەرى جانات كاكىم­سەيىتقىزى. – وسى مەموران­دۋم بويىنشا ەڭ باستى 8 الەۋمەتتىك مەكەمەدە تۇراتىن جاندارعا كو­مەك كورسەتىلەدى. 2015 جىلى دا وسى باعىتتاعى شارالار جال­عاسىن تابۋدا. ويتكەنى, بۇل وتە قاجەتتى شارا. سەبەبى, مۇگەدەك جان­داردىڭ ارنايى مامانداردىڭ قا­بىلداۋىنا جەتۋ مۇمكىندىگى بولا بەرمەيدى. سوندىقتان, ءبۇ­گىنگى اشىق ەسىك كۇنىنە جەت­پىستەن استام ادامدى شاقىردىق, قاجەتتى جاعدايدا ارنايى ينۆاتاكسي جىبەرىلدى. گۇلزەينەپ سادىرقىزى, «ەگەمەن قازاقستان».