استانا. 12 ناۋرىز. فۋتبولدان 2018 جىلى رەسەيدە وتەتىن چەمپيوناتتىڭ جالاۋى كوتەرىلۋىنە ءۇش جارىم جىلداي قالعان ۋاقىتتا جانجال شىقتى. زيمبابۆە قۇراما كومانداسى وسى بىرىنشىلىكتىڭ ىرىكتەۋ تۋرنيرىنەن شىعارىپ تاستالدى. بۇل تۋرالى «سوۆەتسكي سپورت» حابارلادى.
«زيمبابۆە قۇراماسى 2018 جىلعى الەم چەمپيوناتىنىڭ ىرىكتەۋ تۋرنيرىنەن شىعارىلدى», - دەلىنگەن فيفا-نىڭ رەسمي سايتىندا جاريالانعان مالىمەتتە. بۇل زيمبابۆە فۋتبول اسسوتسياتسياسىنىڭ برازيليالىق جاتتىقتىرۋشى جوزە كلاۋدينيا جورجيني الدىنداعى جالاقى قارىزدارىن بەلگىلەنگەن مەرزىمگە دەيىن وتەمەگەندىگى ءۇشىن بەرىلگەن جازا ەكەنى دە بەلگىلى بولىپ وتىر.
ەندىگى الەم چەمپيوناتى 2018 جىلعى 14 ماۋسىمنان 15 شىلدەگە دەيىن رەسەيدە وتەدى. بۇگىن ازيا ايماعىندا ىرىكتەۋ ءتۋرنيرىنىڭ العاشقى ماتچتارى وينالادى.
دامير قوجامقۇل.
دەرەك, سۋرەت: «سوۆەتسكي سپورت».