استانا. 22 مامىر. مەملەكەت باسشىسى نۇرسۇلتان نازارباەۆ 2014 جىلى اشىلعان وزەن-بەرەكەت-گورگان تەمىرجولىنىڭ ارقاسىندا ەلىمىز يرانعا ەكسپورتتايتىن استىق مولشەرىن بەس ەسەگە ۇلعايتاتىنىن مالىمدەدى. بۇل تۋرالى يا «نوۆوستي» حابارلادى.
پرەزيدەنت نۇرسۇلتان نازارباەۆ استانا ەكونوميكالىق فورۋمىندا: «اتالعان تەمىرجول ماگيسترالى وتاندىق تاۋاردى تاياۋ شىعىسقا ەكسپورتتاۋعا ۇلكەن مۇمكىندىك بەرەدى. قازاقستان ەندى يرانعا جەتكىزەتىن استىقتىڭ مولشەرىن بەس ەسە ۇلعايتاتىن بولادى»,–دەدى. سونداي-اق, مەملەكەت باسشىسى بىرەر جىلدا وسى تەمىرجول جەلىسى ارقىلى شەت ەلدەرگە ەكسپورتتالاتىن وتاندىق تاۋارلار كولەمى 10 ميلليون تونناعا جەتەتىنىن ايتتى.
ايتا كەتەيىك, ەلىمىزدىڭ اۋىلشارۋاشىلىق مينيسترلىگى وسى جىلى يرانعا جەتكىزىلەتىن استىق مولشەرى ەكى ەسەگە ارتادى دەپ بولجاعان بولاتىن. الايدا, قازاقستان 1-ساۋىرگە دەيىن تاياۋ شىعىسقا 17,9 توننا استىق ەكسپورتتاعان.
تالعات رايىمبەك.
دەرەك: يا «نوۆوستي».
سۋرەت: thenews.kz.