الماتىداعى قازاق ۇلتتىق اگرارلىق ۋنيۆەرسيتەتىندە «ولجاس سۇلەيمەنوۆ جۇلدەسى» ءۇشىن ارداگەرلەر اراسىندا ۆولەيبولدان IX حالىقارالىق تۋرنير ءوتتى.
تۋرنيرگە ارداگەرلەر, پارلامەنت ءماجىلىسىنىڭ دەپۋتاتتارى, وبلىس اكىمدەرى, سۋديالار قاتىستى. ولجاس سۇلەيمەنوۆتىڭ ءوزى دە قازاق ۇلتتىق اگرارلىق ۋنيۆەرسيتەتى كومانداسىنىڭ ساپىندا بولدى. اتالعان شاراعا قازاقستاننان بارلىعى 9 كوماندا قاتىستى. – ارداگەرلەر اراسىندا ۆولەيبولدان جارىس ۇيىمداستىرعانىمىزعا بيىل – 10 جىل. بۇل ءىسىمىز كەيىنگى ۇرپاققا, جاستارعا ۇلگى بولادى عوي دەپ ويلايمىن, – دەيدى اقىن جۋرناليستەرگە سپورت الاڭى ۇستىندە بەرگەن شاعىن سۇحباتىندا. قازاق ۇلتتىق اگرارلىق ۋنيۆەرسيتەتىندە «ولجاس سۇلەيمەنوۆ اتىنداعى الەۋمەتتىك-گۋمانيتارلىق ءبىلىم بەرۋ جانە تاربيە ينستيتۋتى» توعىز جىلدان بەرى جۇمىس ىستەيدى. سوندىقتان دا قايراتكەر تۇلعا وسىندا وقيتىن ستۋدەنتتەرمەن ءجيى كەزدەسىپ تۇرادى. جاستارمەن جۇزدەسۋ بارىسىندا ولجاس ومار ۇلى بەيبىتشىلىك, ەلىمىزدىڭ ەكولوگيالىق ماسەلەلەرىن جانە جوعارى وقۋ ورىندارىنىڭ حالىقارالىق ءبىلىم كەڭىستىگىنە كىرۋى تۋرالى ءوز پايىمداۋلارىن ايتىپ, كەڭ وتىرىپ پىكىر الماسادى. ءۇش كۇنگە سوزىلعان رەسپۋبليكالىق قىزىقتى جارىستا اقىننىڭ كومانداسى اۋىسپالى كۋبوكتى تاعى دا ءوز يەلىكتەرىندە قالدىردى.
قازبەك سۇلتانبەك, ستۋدەنت.