ماقتا وسىرۋىمەن اينالىساتىن اۋىلشارۋاشىلىق تاۋار وندىرۋشىلەرىنە «اۋىل شارۋاشىلىعىن قارجىلاي قولداۋ قورى» اق ارقىلى كوكتەمگى دالا جۇمىستارىنا 500 ملن. تەڭگە ءبولىندى.
«اۋىلشارۋاشىلىق قارجىلاي قولداۋ قورى» اق ماقتا وسىرۋمەن اينالىساتىن اۋىل شارۋاشىلىعى تاۋار وندىرۋشىلەرىن نەسيەلەندىرۋگە «ىرىس» شاعىن قارجى ۇيىمىنا 500 ملن. تەڭگە بولەدى.
بۇل – قور مەن «ىرىس» شقۇ اراسىنداعى ءتورتىنشى كەلىسىم. 2012-2014 جىلدار ارالىعىندا قور «ىرىس» شقۇ-عا جالپى سوماسى 1,5 ملرد. تەڭگە ءۇش رەت قارىز بەردى. شاعىن قارجى ۇيىمى بولىنگەن قارجىنى تولىق يگەرىپ, قورعا ۋاقتىلى قايتاردى. جۇرگىزىلگەن جۇمىستىڭ ارقاسىندا 1 865 ادام نەسيە الىپ, 2012 جىلى – 11 665 گا, 2013 جىلى – 1 743 گا, 2014 جىلى 11 871 گا جەرگە ماقتا ەگىلدى.
وتكەن جىلى قور «ىرىس» شاعىن قارجى ۇيىمىنا نەسيەلەۋ جەلىسىن اشىپ, 500 ملن. تەڭگە كولەمىندە 2 ترانش اۋدارعان بولاتىن. بۇل قارجىعا 517 تۇپكى قارىز الۋشى شاعىن نەسيە الىپ, كەستە بويىنشا قارىزدى تولىعىمەن قايتاردى.
شاعىن نەسيەلەر تۇپكى قارىز الۋشىلارعا جانار-جاعارماي, ءدان, پەستيتسيد, مينەرالدى تىڭايتقىش, شارۋاشىلىق ماتەريالدار مەن قۇرال-جابدىقتار, اۋىلشارۋاشىلىق تەحنيكاسىنىڭ قوسالقى بولشەكتەرى مەن تولىمداۋشىلار, جۇمىس مەحانيزمدەرىن ساتىپ الۋعا, تەحنيكا, قويمالاردى جالعا الۋ, قىزمەتتەرگە تولەۋ, ءونىمدى ساقتاۋ جانە ت.ب. ماقساتتارعا بەرىلەدى.
«ەگەمەن-اقپارات».