تايقازان – تالدىقورعاندا

«بەيبىتشىلىك پەن كەلىسىمنىڭ جول كارتاسى» مەگا-جوباسى اياسىندا وتكىزىلىپ جاتقان «قازاقستان حالقى اسسامبلەياسى – 20 ىزگى ءىس» شاراسىنا سايكەس, رەسپۋبليكالىق ەستافەتا جامبىلدان الماتى وبلىسىنا ءوتتى. تالدىقورعانداعى «دوستىق ءۇيى» عيماراتىنىڭ الدىندا «شاشۋ» راسىمىمەن «ارداگەر اجەلەر» ءانسامبلى جانە «كوركەم-اي» شىعارماشىلىق ۇجىمى مەرەكەلىك لەپ ەستىرىپ, ءتۇرلى ەتنوس وكىلدەرى ۇلتتىق كيىمدەرىن كيىنىپ, ىزگىلىكتى ءىس-شارانىڭ ءسانى مەن سالتاناتىن اسىرا ءبىلدى. «الماتى وبلىسىندا دا بارلىق ەتنوس وكىلدەرىن بىرىكتىرۋمەن قاتار, مۇقتاج ادامدارعا, بالالارعا, ارداگەرلەرگە, زەينەتكەرلەرگە, ءمۇ­گەدەكتەرگە كومەكتەسۋ ماقساتىندا اسسام­بلەيا باستاماسىمەن «قازاق­ستان حالقى اسسامبلەياسى – 20 ىزگى ءىس» رەسپۋبليكالىق اكتسياسى ۇيىم­داستىرىلىپ وتىر. بۇل اكتسيا تەك مادەني تۇرعىدا عانا ەمەس, الەۋ­مەتتىك, قايىرىمدىلىق ماڭىزعا يە. بۇگىنگى تاڭدا الاكول, اقسۋ, ەسكەلدى, قاراتال, كوكسۋ, كەربۇلاق اۋداندارىندا قايىرىمدىلىق اكتسياسى ءوتىپ, بالقاش اۋدانىندا جالعاسىن تابۋدا. شىن مانىندە بۇل ىزگىلىكتى 20 ءىس دەپ اتالعانىمەن, 2 مىڭنان اسىپ كەتتى. جىل بويى جالعاساتىن بولادى. الەۋمەتتىك تۇرعىدا از قامتىلعان, جالعىزىلىكتى قارتتار, اسىراۋشىسىنان ايرىلعان بالالارعا جەر-جەردە ماتەريالدىق كومەك كورسەتىلۋدە», دەدى الماتى وبلىستىق قازاقستان حالقى اسسامبلەياسى توراعاسىنىڭ ورىنباسارى, حاتشىلىق مەڭگەرۋشىسى عابيت تۇرسىنباي. «بەيبىتشىلىك پەن كەلىسىمنىڭ جول كارتاسى» مەگا-جوباسىنىڭ ءىى كەزەڭى اياسىندا اقسۋ اۋدانىنىڭ تۇرعىندارى قايىرىمدىلىق كومەك كورسەتىپ, وندىرىستىك جاعدايدا باقىتسىزدىققا دۋشار بولعان انەت مولداحمەتوۆتىڭ اياعىنا پروتەز ساتىپ الۋعا 200 مىڭ تەڭگە قاراجات جيناپ بەردى. اكتسيا سارقان اۋدانىندا جالعاسىپ, 1987 جىلى تۋعان المالى اۋىلىنىڭ تۇرعىنى, وزدىگىنەن جۇرە المايتىن داۋرەن باعدالينگە جەتەك اربا جانە مۇمكىندىگى شەكتەۋلى 12 بالاعا پلانشەت ويىن پريستاۆكاسى تارتۋ ەتىلدى. وسىنداي پلانشەتتەر اۋدانداعى اۋىلدىق وكرۋگتەردىڭ بارلىق مۇگەدەك بالالارىنا تاپسىرىلدى. الاكول اۋدانىنداعى ءۇشارال قالاسىندا تۇراتىن ۇلى وتان سوعىسىنىڭ 8 ارداگەرىنە «ءومىر جولى» – «لينيا جيزني» ۇيالى تەلەفونى مەن مەديتسينالىق قوبديشا, مۇگەدەك بالا اسحات نۇسىپجانوۆقا نوۋتبۋك, م.مىڭباەۆ اتىنداعى مەكتەپ-ينتەرناتقا كىرجۋعىش ماشينا تارتۋ ەتىلگەن ەدى. ءىس-شارا حالىقارالىق ايەلدەر كۇنىنە ارنالعان كونتسەرتتىك باعدارلامامەن جالعاستى. نۇربول الدىباەۆ, «ەگەمەن قازاقستان». تالدىقورعان.