قىزىلوردا. 20 مامىر. ۇستىمىزدەگى ايدىڭ 18-ءى مەن 22-ءسى ارالىعىندا قىزىلوردا وبلىسى اۋماعىندا «زاڭسىز كەلۋشى-2015» جەدەل پروفيلاكتيكالىق ءىس-شاراسىنىڭ ءبىرىنشى كەزەڭى وتكىزىلىپ جاتىر. بۇل تۋرالى egemen.kz حابارلايدى.
اتالعان شارا بويىنشا قىزىلوردا وبلىستىق ىشكى ىستەر دەپارتامەنتىنىڭ كۇشى مەن قۇرالدارى جۇمىلدىرىلىپ, ءبىر كۇننىڭ وزىندە 279 زاڭ بۇزۋشىلىق فاكتىسى انىقتالدى. ناتيجەسىندە قازاقستان رەسپۋبليكاسىندا ءجۇرۋ ەرەجەلەرىن بۇزعان 274 ازامات اكىمشىلىك شاراعا تارتىلدى. كوشى-قون زاڭناماسىن بۇزعانى ءۇشىن قازاقستاننىڭ 20 ازاماتى جاۋاپكەرشىلىككە تارتىلىپ, تۇرعىلىقتى مەكەنجايى جانە قۇجاتى جوق 8 شەتەل ازاماتى قابىلداۋ-تاراتۋ ورىندارىنا جاتقىزىلدى. سوت شەشىمىمەن 6 شەتەلدىك ازامات ەل اۋماعىنان شىعارىلىپ, 71 شەتەلدىكتىڭ ەلدە ۋاقىتشا بولۋىنىڭ مەرزىمى قىسقارتىلدى.
سونىمەن قاتار, قىلمىستىق كودەكستىڭ 393-بابى بويىنشا شەتەلدىكتىڭ نەمەسە ازاماتتىعى جوق ادامنىڭ ەل اۋماعىنان شىعارىپ جىبەرۋ تۋرالى شەشىمدى ورىنداماعانى ءۇشىن 3 قىلمىستىق ءىس قوزعالدى.
ەرجان بايتىلەس.
دەرەك, سۋرەت: egemen.kz.