استانا. 6 ناۋرىز. قازاقستانداعى ورتا مەكتەپتەردىڭ جوعارى سىنىپتارىندا بارلىق ءپان اعىلشىن تىلىندە ءوتۋى ءتيىس. بۇل تۋرالى قازاقستان پرەزيدەنتى نۇرسۇلتان نازارباەۆ اقوردادا وتكەن ايەلدەرمەن كەزدەسۋ بارىسىندا مالىمدەدى. بۇل تۋرالى Tengrinews.kz ءتىلشىسى حابارلادى.
«ءبىز بىلاي ىستەپ جاتىرمىز, اعىلشىن ءتىلىن ءبىرىنشى سىنىپتان باستاپ وقىتۋ كەرەك بولادى. ال 11-12 سىنىپتاردا ساباقتار اعىلشىن تىلىندە ءوتۋى ءتيىس», - دەدى نازارباەۆ.
مەملەكەت باسشىسى مالايزيانىڭ تاجىريبەسىن مىسال رەتىندە كەلتىردى. "سوعىستان كەيىن تاۋەلسىزدىك الىپ, مالاي ءتىلىن مەملەكەتتىك ءتىل دەپ جاريالاۋعا شەشىم قابىلدادى. بىراق ونى الەمدە ەشكىم بىلمەيدى. ءسويتىپ قايتادان اعىلشىن تىلىنە اۋىستى. سينگاپۋردا دا ءدال سولاي. ۇنايدى, ۇنامايدى ەمەس, ءبارى سول تىلدە (سويلەيدى), بارلىق ينتەرنەت كەڭىستىك, بارلىق ءىت تەحنولوگيا. بىزگە بالالاردى ءۇش تىلدىككە ۇيرەتۋ كەرەك», - دەدى ول.
«بىزدە مەملەكەتتىك ءتىل - قازاق ءتىلى, ول ساقتالۋى ءتيىس. ءبىز ءبارىمىز وسى تىلدە وقۋىمىز كەرەك. ورىس ءتىلى - ىقپالداستىق ءتىلى», - دەدى پرەزيدەنت.
ساكەن مايلىباي.
دەرەك, سۋرەت: Tengrinews.kz.