استانا. 19 مامىر. «بارسەلونا» كوماندا كاپيتانى ءحاۆيدىڭ ارقاسىندا يسپانيا چەمپيونى كۋبوگىن مەرزىمنەن بۇرىن الاتىن بولدى. بۇل تۋرالى championat.com حابارلادى.
يسپانيا كورولدىك فۋتبول فەدەراتسياسى (RFEF) ءوز رەگلامەنتىنە ۋاقىتشا وزگەرتۋ جاساپ, چەمپيوندار كۋبوگىن مەرزىمنەن بۇرىن تابىس ەتۋ جونىندەگى «بارسەلونانىڭ» ءوتىنىشىن قابىلدادى. نەگىزى, رەگلامەنتكە سايكەس, كۋبوك يسپانيا چەمپيوناتىن ۇتقان كومانداعا كەلەسى ماۋسىمداعى ءوز الاڭدارىندا وتكىزەتىن العاشقى ويىندا بەرىلۋى كەرەك. ال, بۇل جولى فەدەراتسيا جۇلدەنى «بارسەلوناعا» 23 مامىردا «دەپوريۆومەن» بولاتىن كەزدەسۋدەن كەيىن تابىس ەتەتىن بولدى.
كورولدىك فۋتبول فەدەراتسياسى مۇنداي شەشىمگە كوماندا كاپيتانى حاۆي ءۇشىن بارىپ وتىرعاندارىن حابارلاعان. سەبەبى, جارتىلاي قورعاۋشى جازعى ترانسفەر كەزىندە كوماندامەن قوشتاسادى دەپ كۇتىلۋدە. 35 جاستاعى حاۆەر ەرناندەستىڭ جاسىل الاڭعا العاش شىققالى بەرى كاتالوندىقتار نامىسىن قورعاپ كەلە جاتقانىن ايتا كەتۋ كەرەك.
ايدار ورىسباەۆ.
دەرەك: championat.com.
سۋرەت: reuters.com.