قوستاناي. 19 مامىر. قوستاناي وبلىسىنىڭ وڭتۇستىك اۋداندارىندا ورنالاسقان «التىن دالا» مەملەكەتتىك تابيعي رەزەرۆاتىنداعى ولگەن كيىكتەردىڭ سانى 10 مىڭعا جۋىقتادى, دالىرەك ايتساق, 9865 كيىكتىڭ ولەكسەسى جويىلدى. بۇل تۋرالى egemen.kz ءتىلشىسى حابارلادى.
قوستاناي وبلىسىنىڭ وڭتۇستىگىندەگى امانگەلدى اۋدانىنىڭ جولابا جانە قايسار قىستاقتارى اراسىندا كيىكتىڭ ولە باستاعانىن «التىن دالا» مەملەكەتتىك تابيعي رەزەرۆاتىنىڭ قىزمەتكەرلەرى 11 مامىر كۇنى بايقاعان بولاتىن. ولار سول كۇنى 117 كيىكتىڭ ولەكسەسىن تەرىپ الىپ, جويعان ەدى. سول كۇننەن باستاپ كيىك جاپپاي قىرىلدى. 13 مامىر كۇنى مىڭقارالى كيىك قىرىلسا, اپتانىڭ اياعىندا ونىڭ سانى 550-دەي, ال مامىردىڭ 19 كۇنى وقيعانىڭ باسىندا جۇرگەن ماماندار 10 مىڭعا جۋىق كيىك ولەكسەسىن جويعانىن حابارلاعان.
وبلىستىق ورمان شارۋاشىلىعى جانە جانۋارلار دۇنيەسى وبلىستىق اۋماقتىق ينسپەكتسياسى باسشىسىنىڭ مىندەتىن اتقارۋشى نۇرقان سارسەنوۆ» «التىن دالا» رەزەرۆاتىنىڭ كيىك قىرىلىپ جاتقان جەرىندە جۇرگەن ءبىزدىڭ ماماندارمەن ەشقانداي بايلانىسقا شىعا المايمىز, مۇمكىندىك جوق. تەك امانگەلدى اۋدانىنىڭ ورتالىعىندا ورنالاسقان «التىن دالا» رەزەۆاتىنىڭ كەڭسەسىنە كۇندە وقيعا ورنىنان ءبىر ادام كەلىپ, مالىمەتتى تاستايدى دا قايتىپ كەتەدى. ءبىز بارلىق مالىمەتتەردى سولاردان الىپ وتىرمىز», دەدى.
امانگەلدى اۋدانى باسشىلارىنىڭ بارلىعى دا وقيعا بولعان جەردە. ەشكىممەن حابارلاسىپ, جەرگىلىكتى جاعدايدى بىلۋگە مۇمكىندىك بولمادى.
ءنازيرا جارىمبەتوۆا.
دەرەك, سۋرەت: egemen.kz