استانا. 19 مامىر. استانادا قازاقستاننىڭ باق وكىلدەرى اراسىندا شاعىن فۋتبولدان كورنەكتى قوعام قايراتكەرى, جازۋشى, بەلگىلى سپورت ءجۋرناليسى سەيداحمەت بەردىقۇلوۆتى ەسكە الۋعا ارنالعان رەسپۋبليكالىق تۋرنير ءوتتى. بۇل تۋرالى ۇلتتىق شتاتتىق كوماندالار جانە سپورت رەزەرۆى ديرەكتسياسىنىڭ ءباسپاسوز قىزمەتى حابارلادى.
دودانى مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى ۇيىمداستىردى. «استانا-ارەنا» ستاديونىندا وتكەن تۋرنيرگە 16 كوماندا قاتىستى. جارىس قورىتىندىسى بويىنشا, 1-ورىندى «الماتى» تەلەارناسى جەڭىپ الدى. 2-ورىن «حابار» (الماتى) تەلەارناسىنا بۇيىرسا, ۇزدىك ۇشتىكتى «اقمەشىت» (قىزىلوردا) كومانداسى تۇيىندەدى.
جەڭىمپاز جانە جۇلدەگەر كوماندالارعا مەدالدار, كۋبوكتار جانە باعالى سىيلىقتار تابىس ەتىلدى. سونداي-اق, ەرەكشە ويىنىمەن كوزگە تۇسكەن ويىنشىلار ءارتۇرلى نوميناتسيالار بويىنشا ماراپاتتالدى. ودان بولەك, تورەشىلەر جانە جارىستىڭ وتۋىنە زور ۇلەس قوسقان مەكەمەلەر مەن ازاماتتار دا نازاردان تىس قالمادى.
جارىسقا قاتىسقان سپورت جانە دەنە شىنىقتىرۋ ىستەرى كوميتەتىنىڭ توراعاسى ەلسيار قاناعاتوۆ مۇنداي دودانىڭ بۇقارالىق سپورتتىڭ دامۋىنا وڭ ىقپالىن تيگىزەتىنىن ايتتى. تۋرنيرگە سەيداحمەت بەردىقۇلوۆتىڭ وتباسى الماتىدان ارنايى كەلىپ قاتىستى.
ۇيىمداستىرۋ كوميتەتى ءتۋرنيردىڭ وتۋىنە اتسالىسقان جازۋشىنىڭ ۇلى زاڭعار بەردىقۇلوۆقا, ۇلتتىق شتاتتىق كوماندالار جانە سپورت ديرەكتسياسىنىڭ ديرەكتورى قايىرگەلدى جانپەيىسوۆكە, قاجىمۇقان مۇڭايتپاسوۆ اتىنداعى رەسپۋبليكالىق دارىندى بالالارعا ارنالعان سپورتتىق ينتەرنات-كوللەدجدىڭ ديرەكتورى سەرىك توكيەۆكە, استانا قالاسى سپورت جانە دەنە شىنىقتىرۋ باسقارماسى باستىعىنىڭ ورىنباسارى سامات قابدۋللينگە, «ارت پرينت XXI» فيرماسىنا, سونداي-اق, «استانا-ارەنا» ستاديونىنىڭ اكىمشىلىگىنە زور العىسىن بىلدىرەدى.
اتالعان تۋرنير 1995 جىلدان بەرى باق وكىلدەرى اراسىندا تۇراقتى وتكىزىلىپ كەلە جاتقانىن ايتا كەتەيىك.
ەلامان قوڭىر.
دەرەك, سۋرەت: ۇلتتىق شتاتتىق كوماندالار جانە سپورت رەزەرۆى ديرەكتسياسىنىڭ ءباسپاسوز قىزمەتى.