الماتى. 31 ناۋرىز. ازاماتتىق اۆياتسيا كوميتەتى توراعاسىنىڭ ورىنباسارى سەرىك مۇقتىباەۆ ۇشاق كابيناسىندا ەڭ كەمى ەكى ادام بولۋى كەرەكتىگى تۋرالى ەرەجە تالاپتارى ەلىمىزدە 2011 جىلدان بەرى قاراي ورىندالىپ كەلە جاتقانىن مالىمدەدى. بۇل تۋرالى قازتاگ حابارلادى.
«ەرەجە تالاپتارىنا ساي اۋە كەمەسىندە ەكيپاجدىڭ جالعىز مۇشەسىن جۇمىس ورنىندا قالدىرۋعا بولمايدى.ۇشۋ بارىسىندا ەكى ۇشقىشتىڭ ءبىرى جۇمىس ورنىن تاستايىن بولسا, ول جەردە كابينالىق ەكيپاجدىڭ وزگە مۇشەسى بولۋى ءتيىس. بىراق ول كابينادان شىعىپ كەتكەن ۇشقىشتىڭ جۇمىس ورنىنا وتىرمايدى», دەدى مۇقتىباەۆ.
اپاتقا ۇشىراعان Germanwings كومپانياسىنىڭ ا320 لاينەرىنە بايلانىستى بىرقاتار الەمدىك اۆياكومپانيالار ەكيپاجعا ارنالعان نۇسقاۋلاردى قايتا قارادى. ماسەلەن, نورۆەگيانىڭ Norwegian Air Shuttle ASA اۆياكومپانياسىنىڭ باسشىلىعى ۇشاق ەكيپاجىنىڭ مۇشەلەرىنە ارنالعان نۇسقاۋدى تەز ارادا وزگەرتتى. جاڭا ەرەجەگە سايكەس, بۇدان بىلاي جولاۋشى ۇشاعىنىڭ ۇشقىشى كابينادا ءوز ارىپتەسىن جالعىز تاستامايدى. الدىڭعى ەرەجەدە ونداي تالاپتار ناقتىلانباي, ۇشقىشتاردىڭ كابينادان كىرىپ-شىعۋىنا ەرەكشە تىيىم سالىنباعان بولاتىن.
بۇدان بولەك, EasyJet باستاعان بارلىق بريتانيالىق جانە كانادالىق Air Canada اۋە كومپانيالارى دا بۇرىنعى ۇشۋ ەرەجەلەرىنە وزگەرتۋلەر ەنگىزدى. وندا «بۇدان بىلاي ۇشقىشتار بۇكىل ۇشۋ بارىسىندا كابينادا بىرگە بولادى» دەگەن مىندەتتى تالاپ ايشىقتى جازىلدى.
ازاماتتىق اۆياتسيا ۇشقىشتارىنا قويىلاتىن بۇل تالاپتى نەمىس اۆياتورلارى دا قولدادى.
تالعات ءسۇيىنباي.
دەرەك: قازتاگ.
سۋرەت: egemen.kz.