پەتروپاۆل. 31 ناۋرىز. ينۆەستيتسيالار جانە دامۋ ءمينيسترىنىڭ بۇيرىعىمەن سۇڭعات راقىمجانوۆ «سولتۇستىك قازاقستان وبلىسى بويىنشا كولىك باقىلاۋ ينسپەكتسياسى» رەسپۋبليكالىق مەملەكەتتىك مەكەمەسىنىڭ باسشىسى بولىپ تاعايىندالدى. بۇل تۋرالى سولتۇستىك قازاقستان وبلىسى اكىمدىگىنىڭ ءباسپاسوز قىزمەتى حابارلادى. سۇڭعات ەرتاي ۇلى 1982 جىلى شىعىس قازاقستان وبلىسى اباي اۋدانىنىڭ قاراۋىل اۋىلىندا تۋعان. سەمەي مەملەكەتتىك ۋنيۆەرسيتەتىن, قازاق قاتىناس جولدارى ۋنيۆەرسيتەتىن, قازاق گۋمانيتارلىق-زاڭ يننوۆاتسيالىق ۋنيۆەرسيتەتىن تاريح ءپانىنىڭ مۇعالىمى, تەمىر جول كولىگىندە تاسىمالداردى ۇيىمداستىرۋ جانە باسقارۋ جونىندەگى ينجەنەر, سونداي-اق, مەملەكەتتىك جەرگىلىكتى باسقارۋ ماماندىقتارى بويىنشا بىتىرگەن. ەڭبەك جولىن 2005 جىلى «ە.ا.راقىمجانوۆ» جەكە كاسىپكەرلىگىنىڭ كوممەرتسيالىق ديرەكتورى بولىپ باستاعان. س.راقىمجانوۆتىڭ اتقارعان قىزمەتتەرى: 2005-2007 جىلدارى پويىزداردى قۇراستىرۋشى, كوكشەتاۋ قالاسى ستانساسىنىڭ كەزەكشىسى; 2007-2008 جىلدارى – شىعىس قازاقستان وبلىسى بويىنشا كولىك باقىلاۋ باسقارماسىنىڭ وتكىزۋ بەكەتتەرىنىڭ كولىك باقىلاۋ ءبولىمىنىڭ جەتەكشى مامانى; 2008-2009 جىلدارى – شىعىس قازاقستان وبلىسى جولاۋشىلار كولىگى جانە اۆتوموبيل جولدارى باسقارماسىنىڭ تەمىر جول, اۋە جانە سۋ كولىگى ءبولىمىنىڭ باستىعى; 2009-2010 جىلدارى – شىعىس قازاقستان وبلىسى بويىنشا كولىك باقىلاۋ ينسپەكتسياسىنىڭ كولىك-كوممۋنيكاتسيا كەشەنىندە باقىلاۋ ءبولىمىنىڭ جەتەكشى مامانى; 2010-2013 جىلدارى – قازاقستان رەسپۋبليكاسى كولىك جانە كوممۋنيكاتسيا مينيسترلىگى كولىك باقىلاۋ كوميتەتى اۆتوموبيل كولىگىندە باقىلاۋ باسقارماسىنىڭ ساراپشىسى; 2013-2014 جىلدارى – كولىكتەگى مونيتورينگ جانە باقىلاۋ باسقارماسىنىڭ ساراپشىسى, پاۆلودار وبلىسى بويىنشا كولىك باقىلاۋ ينسپەكتسياسىنىڭ باسشىسى, قازاقستان رەسپۋبليكاسى كولىك جانە كوممۋنيكاتسيا مينيسترلىگى كولىك باقىلاۋ كوميتەتىنىڭ كولىكتەگى مونيتورينگ جانە باقىلاۋ باسقارماسىنىڭ باسشىسى لاۋازىمدارىن اتقارعان. 2014 جىلدان بۇگىنگە دەيىن قازاقستان رەسپۋبليكاسى ينۆەستيتسيالار جانە دامۋ مينيسترلىگى كولىك باقىلاۋ كوميتەتىنىڭ جاعدايلار ورتالىعىنىڭ باس ساراپشىسى بولىپ قىزمەت ىستەگەن. ءومىر ەسقالي. دەرەك, سۋرەت: سولتۇستىك قازاقستان وبلىسى اكىمدىگىنىڭ ءباسپاسوز قىزمەتى.