پەتروپاۆل. 31 ناۋرىز. سولتۇستىك قازاقستان وبلىسىنىڭ اكىمى ەرىك سۇلتانوۆتىڭ وكىمىمەن قايرات وماروۆ وبلىستىق اۋىل شارۋاشىلىعى باسقارماسىنىڭ باسشىسى بولىپ تاعايىندالدى. بۇل تۋرالى وبلىس اكىمدىگىنىڭ ءباسپاسوز قىزمەتى حابارلادى.
قايرات قايروللا ۇلى 1979 جىلى سول كەزدەگى كوكشەتاۋ وبلىسى ۆولوداروۆكا اۋدانىندا تۋعان. قاراعاندى زاڭ اكادەمياسىنىڭ كوكشەتاۋ فيليالىن, كوكشەتاۋ ەكونوميكا جانە مەنەدجمەنت ينستيتۋتىن ەكونوميكا جانە زاڭگەر ماماندىقتارى بويىنشا تامامداعان.
ەڭبەك جولىن 1996 جىلى ايىرتاۋ اۋدانىندا مۇعالىمدىكتەن باستاعان. سونداي-اق, 2004-2008 جىلدارى ع.مۇسىرەپوۆ, ايىرتاۋ اۋداندارىندا ادىلەت باسقارماسىندا جەتەكشى, باس مامان قىزمەتتەرىن اتقارعان. 2008-2012 جىلدار ارالىعىندا ع.مۇسىرەپوۆ اۋدانىندا حالىققا قىزمەت كورسەتۋ ورتالىعىنا جەتەكشىلىك ەتكەن.
2012 جىلدان وسى كەزگە دەيىن مۇسىرەپوۆ اۋدانى اكىمىنىڭ ەكونوميكا جانە اۋىل شارۋاشىلىعى ماسەلەلەرى بويىنشا ورىنباسارى بولعان.
ءومىر ەسقالي.
دەرەك, سۋرەت: سولتۇستىك قازاقستان وبلىسى اكىمدىگىنىڭ ءباسپاسوز قىزمەتى.