اقتوبە. 31 ناۋرىز. قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي ەرجان قاجى مالعاجى ۇلى حازىرەتتىڭ باستاماسىمەن قولعا الىنعان ءتورت باعىتتىڭ ءبىر − وقۋ-اعارتۋ جۇمىستارى ەكەنى بەلگىلى. وسى باعىتتا اقتوبە وبلىسىندا بىرقاتار اۋقىمدى جۇمىستار اتقارىلۋدا. بۇل تۋرالى egemen.kz ءتىلشىسى حابارلادى.
تاياۋدا وبلىستىق ورتالىق «نۇر-عاسىر» مەشىتىنىڭ ۇيىتقى بولۋىمەن ءابۋ حانيفا عىلىمي زەرتتەۋ ورتالىعىنىڭ قىزمەتكەرلەرى ريزابەك ىلىمباەۆ, جاسلان جۇسىپبەكوۆ جانە قايرات قۇرمانباەۆتى شاقىرتىپ, يمامدار مەن مەدرەسە شاكىرتتەرىنە ءۇش كۇندىك ءبىلىمىن جەتىلدىرۋ سەمينارىن ۇيىمداستىرىلدى. وعان قالا, اۋدان-اۋىلداردان بارلىعى 21 يمام, 56 شاكىرت قاتىسىپ, بىلىمدەرىن جەتىلدىردى.
شارانىڭ ماقساتى – وبلىس كولەمىندەگى مەشىت يمامدارىنىڭ بىلىمدەرىن جەتىلدىرۋ, قوعامداعى ءدىني وزەكتى ماسەلەلەردى تالقىلاۋ, پىكىر الماسۋ.
سەميناردان تىس اقشام نامازىنان كەيىن «نۇر-عاسىر», «نۇرداۋلەت», اقتوبە قالالىق ورتالىق مەشىتتەرى جاماعاتىنا ريزابەك ىلىمباەۆ پەن جاسلان جۇسىپبەكوۆ ءتۇرلى تاقىرىپتاردا ۋاعىز جۇرگىزدى.
ساتىبالدى ءساۋىرباي.
دەرەك: egemen.kz.
سۋرەت: muftyat.kz.