پاۆلودار. 30 ماۋسىم. ەكىباستۇزدا ۆولەيبول جانە شاعىن فۋتبولدان «شىعىس» كەنىشىنىڭ تۇڭعىش ديرەكتورى ۆلاديمير اكسينيننىڭ قۇرمەتىنە ارنالعان تۋرنير ءوتتى. بۇل تۋرالى egemen.kz ءتىلشىسى حابارلادى.
وعان «شىعىس» كەنىشى, «بوگاتىر كومىر» جشس, اقسۋ ەلەكترلىك ستانساسى, «مايكۋبەن ۆەست» جشس كەنشىلەرى قاتىستى. «شىعىس» كەنىشى – «ەۋروازياتتىق ەنەرگەتيكالىق كورپوراتسياسى» اق (ەەك) ەۋرازيالىق توپتىڭ قۇرامىنا كىرەدى. ەلىمىزدەگى ەلەكتر ەنەرگياسىنىڭ 17 پايىزىن, كومىردىڭ 20 پايىزىن «ەەك» اق وندىرەدى. اقسۋ ەلەكتر ستانساسى دا وسى كورپوراتسياعا قارايدى.
تۋرنيردە شاعىن فۋتبولدان «شىعىس» كەنىشىنىڭ كەنشىلەر قۇراماسى جەڭىمپاز اتانىپ, كۋبوكتى يەلەندى. ەكىنشى ورىنعا اقسۋ ەلەكتر ستانساسى فۋتبولشىلارى شىقتى. ءاربىر قۇرامادا ەڭ جاقسى ويىنشى انىقتالدى. بۇل اتاقتار جاسۇلان دوسۋموۆقا, تالعات جۇماباەۆقا, رۋسلان جاعىپاروۆقا, الديار گوماروۆقا بەرىلدى.
ۆولەيبول جارىسىندا «شىعىس» قۇراماسى, «بوگاتىر كومىر» ويىنشىلارى كۇمىس مەدالدارعا يە بولدى. تۋرنير سوڭىندا الەكساندر روجوك, ۆيتالي چيچەرين, ستانيسلاۆ جيلياەۆ, التىنبەك بەلدەۋباەۆ ۇزدىك ويىنشى اتاندى.
فاريدا بىقاي.
دەرەك, سۋرەت: egemen.kz