مەملەكەت باسشىسى نۇرسۇلتان نازارباەۆ يسلام كارىموۆكە وزبەكستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىنا بايلانىستى قۇتتىقتاۋ جەدەلحاتىن جولدادى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
جەدەلحاتتا سايلاۋ ناتيجەلەرى ي.كارىموۆتىڭ حالىق الدىنداعى بەدەلىنىڭ, ەلدىڭ الەۋمەتتىك-ەكونوميكالىق دامۋىنا جانە ءوزبەكستاننىڭ حالىقارالىق قوعامداستىقتاعى ابىرويىن نىعايتۋعا باعىتتالعان پاراساتتى ساياساتىنا كورسەتىلگەن كەڭ قولداۋدىڭ ايقىن دالەلى ەكەنى اتاپ وتىلگەن.
مەملەكەت باسشىسى, سونداي-اق, ي.كارىموۆتىڭ باسشىلىعىمەن وزبەكستاننىڭ ودان ءارى وركەندەي بەرەتىنىنە سەنىم بىلدىرگەن.
«قازاقستان مەن وزبەكستان اراسىنداعى باۋىرلاس قارىم-قاتىناستار ستراتەگيالىق ىنتىماقتاستىق دەڭگەيىندە نىعايا تۇسەتىنىنە كامىل سەنەمىن», – دەلىنگەن جەدەلحاتتا.
سوڭىندا نۇرسۇلتان نازارباەۆ وزبەكستان پرەزيدەنتىنە زور دەنساۋلىق جانە جاۋاپتى قىزمەتىندە تابىس, ال باۋىرلاس وزبەك حالقىنا تاتۋلىق پەن باق-بەرەكە تىلەدى.